Eknath Shinde : एकनाथ शिंदेंची धास्ती; भाजपचे ६५ नगरसेवक अज्ञातस्थळी रवाना, महापौर निवडणुकीत ऐनवेळी मोठा ट्विस्ट

Navi Mumbai : नवी मुंबई महानगरपालिकेच्या महापौर, उपमहापौरपदासाठी आज, गुरुवारी निवडणूक होत आहे. या निवडणुकीत नगरसेवक फुटून दुसऱ्या पक्षात जाऊ नयेत, म्हणून भाजपने आपल्या ६५ नगरसेवकांना बुधवारी अज्ञात स्थळी हलवले. तिथून सर्व नगरसेवक गुरुवारी थेट महापौर निवडणुकीला महापालिका मुख्यालयात हजर राहणार आहेत, अशी माहिती सूत्रांनी दिली.

महापालिका निवडणुकीत सर्वाधिक ६५ नगरसेवक निवडून आल्याने भाजपने महापौर आणि उपमहापौर दोन्ही पदांसाठी आपले उमेदवारी अर्ज दाखल केले आहेत. मात्र, याचबरोबर ४२ इतके कमी संख्याबळ असतानाही शिवसेनेने दोन्ही पदांसाठी अर्ज दाखल केले आहेत. भाजपचे नाराज नगरसेवक आपल्या संपर्कात असून, याद्वारे महापौर आणि उपमहापौरपदासाठी लागणारी मॅजिक फिगर आपण गाठू, असा विश्वास उपमुख्यमंत्री एकनाथ शिंदे यांच्या शिवसेनेला आहे. भाजपच्या १२ नगरसेवकांच्या संपर्कात शिवसेनेचे नेते आहेत अशी चर्चा आहे. त्यामुळे ऐन महापौर निवडणुकीच्या वेळी नगरसेवकांची पळवा पळवी होऊ शकते. ही धोक्याची घंटा लक्षात घेऊन नवी मुंबईतील भाजपच्या वतीने आपल्या सर्व ६५ नगरसेवकांना भाजपने गेट-टुगेदरसाठी बुधवारी दुपारपासूनच अज्ञात स्थळी हलवले आहे. या नगरसेवकांचे मोबाइलही नॉट रिचेबल झाले आहेत. सर्वांना अज्ञात स्थळावरून थेट महापौर निवडणुकीसाठी महापालिका मुख्यालयातच आणले जाणार आहे.

Mumbai–Pune Expressway Traffic Update : 32 तासांनंतर द्रुतगती महामार्गावरील वाहतूक पूर्वपदावर; प्रवाशांचे हाल, घटनेला जबाबदार कोण?

भाजपचे काही नगरसेवक आपल्याकडे येतील आणि महापौर आणि उपमहापौरपदासाठी लागणारी मॅजिक फिगर आपण गाठू या आशेनेच नवी मुंबईतील शिवसेनेने संख्यबळ कमी असतानादेखील महापौर आणि उपमहापौरपदासाठी अर्ज भरले आहेत. हे अर्ज भरून त्यांनी एक प्रकारे वनमंत्री गणेश नाईकांना आव्हान दिल्याची चर्चा नवी मुंबईच्या राजकीय वर्तुळात आहे.

छत्रपती संभाजीनगरमध्ये महापालिकेत सर्वांत मोठा पक्ष म्हणून उदयाला आलेल्या भाजपच्या महापौर - उपमहापौर पदासाठीच्या उमेदवारांचा सस्पेन्स कायमच आहे. त्यामुळे नगरसेवक देखील संभ्रमात सापडे आहेत. सर्वांचे डोळे मुंबईत होणाऱ्या निर्णयाकडे लागले आहेत. दोन्हीही पदांसाठी उमेदवारी अर्ज भरण्याचा शुक्रवार (सहा फेब्रुवारी) हा शेवटचा दिवस आहे. महापालिका निवडणुकीत भाजपला घवघवीत यश मिळाले. ११५ पैकी ५७ नगरसेवक निवडून आणण्यात भाजप यशस्वी झाला. त्यामुळे छत्रपती संभाजीनगरचा महापौर भाजपचाच होणार हे स्पष्ट झाले. बहुमतासाठी भाजपला केवळ एक मत कमी आहे. सध्या पालिकेच्या सभागृहात भाजप - शिवसेनेच्या युतीबद्दल निर्णय झालेला नाही. त्यामुळे महापौर आणि उपमहापौर ही दोन्हीही पदे युतीचा निर्णय न झाल्यास भाजपला मिळू शकतील असे मानले जात आहे. त्यामुळे या दोन्हीही पदांसाठीच्या उमेदवारांची घोषणा भाजपच्या नेतृत्वाकडून केली जाईल असे सांगितले जात आहे.