Nashik Bus Accident : सप्तश्रृंगी गडावर बस दरीत कोसळली, एकाचा मृत्यू, १८ प्रवासी जखमी, मदत कार्य सुरू

Nashik Bus Accident : नाशिक जिल्ह्यातून भीषण अपघाताची घटना समोर आली आहे. सप्तश्रृंग गडावरून खामगावला जाणाऱ्या एसटी बसला भीषण अपघात झाला आहे. प्रवाशांना घेऊन जाणारी बस सप्तश्रृंगी घाटातील  दरीत कोसळली. या घटनेत एका प्रवाशाचा मृत्यू झाला असून १८ ते २० प्रवासी जखमी झाल्याची माहिती आहे. जखमींना तातडीने उपचारासाठी रुग्णालयात दाखल करण्यात आलं आहे.

बुधवारी पहाटेच्या सुमारास ही दुर्घटना घडली आहे. मिळालेल्या माहितीनुसार, खामगाव आगाराची बस सप्तश्रृंग गडावरून खामगावला जाण्यासाठी निघाली होती. या बसमधून २० ते २५ प्रवासी प्रवास करीत होते. वणी गड उतरत असताना गणपती पॉईंटजवळ चालकाचे बसवरील नियंत्रण सुटले. यानंतर बस थेट दरीत कोसळली.

या दुर्घटनेत एका प्रवाशाचा मृत्यू झाला असून १८ प्रवासी जखमी झाल्याची माहिती आहे. घटनेची माहिती मिळताच स्थानिकांसह पोलिसांनी तातडीने घटनास्थळी धाव घेत बचावकार्य सुरू केलं. जखमींना तातडीने उपचारासाठी रुग्णालयात दाखल करण्यात आलं आहे. दरम्यान, या घटनेनंतर नाशिकचे पालकमंत्री दादा भुसे यांनी मदतीच्या सूचना दिल्या आहेत.

Himachal Pradesh Rain : हिमाचलमध्ये धो-धो, पावसाने मोडला 50 वर्षांचा रिकॉर्ड; कागदाच्या होडीसारख्या वाहत गेल्या गाड्या

"वणी घाटात ST बस अपघात झाला आहे. त्याची माहिती घेतली असून संबंधीत यंत्रणेला सर्वोतपरी मदतीच्या सूचना दिल्या आहेत. बस अपघातातील जखमींना जवळच्या शासकीय रुग्णालयात उपचारासाठी दाखल केले आहे. जी माहिती आहे. त्यानुसार खामगाव डेपोची बस असून त्यातील १८ प्रवासी जखमी आहेत.

गणपती पॉईंटजवळ वणी गड उतरत असताना हा अपघात झाला आहे. अशी प्राथामिक माहिती आहे. अपघातग्रस्तांची कुठलीही गैरसोय होणार नाही. यासंबंधी यंत्रणेला सूचना दिल्या असून मी स्वतः संपर्कात आहे. सर्व परिस्थितीवर लक्ष ठेवून आहे. आई सप्तश्रृंगी माता सर्वांना सुरक्षित ठेवो हीच प्रार्थना", अशी प्रतिक्रिया मंत्री दादा भूसे यांनी दिली आहे.