Nagar Kalyan Highway News : धनगर आरक्षणासाठी नगर- कल्याण महामार्गावर रास्ता राेकाे

Nagar News : धनगर समाजाला आरक्षण मिळावे यासाठी आज (शुक्रवार) नगर- कल्याण महामार्गावर धनगर समाजाच्यावतीने रास्ता रोको आंदोलन करण्यात आले. परिणामी नगर कल्याण महामार्गावरील वाहतूक ठप्प झाली होती.

जामखेड तालुक्यातील चौंडी येथे गेल्या 17 दिवसांपासून धनगर समाजाच्या आरक्षणाच्या अंमलबजावणीसाठी उपोषणास बसलेल्या आंदोलकांना सक्रिय पाठिंबा देण्यासाठी पारनेर तालुक्यातील सखल धनगर समाजाच्या वतीने हे आंदाेलन छेडण्यात आले.

Bodwad Heavy Rain : बोदवड तालुक्यात जोरदार पाऊस; लोणवाडी परिसरात घरात शिरले पाणी

आंदाेलकांनी मेंढपाळांसह सुमारे एक तास नगर कल्याण महामार्गावरील ढोकी येथे रास्ता रोको आंदोलन केले. यावेळी आंदाेलकांनी सरकारचा निषेध केला. सरकारने येत्या चार ते पाच दिवसात आरक्षणाविषयी जर तोडगा काढला नाही तर यापेक्षाही उग्र आंदोलन करण्याचा इशारा आंदोलनकर्त्यांनी दिला.