Mumbai : बिग अपडेट! ख्रिसमसपासून नवी मुंबई विमानतळावर उड्डाणांची सुरुवात; जाणून घ्या फ्लाइट डिटेल्स

Mumbai : नवी मुंबई आंतरराष्ट्रीय विमानतळावरून प्रवाशी विमानसेवा लवकरच सुरू आहे. पंतप्रधान नरेंद्र मोदी यांच्या हस्ते ऑक्टोबर महिन्यात या आंतरराष्ट्रीय विमानतळाचं लोकार्पण करण्यात आले. आता या विमानतळावर लवकरच विमानसेवा सुरू केली जाणार आहे. नवी मुंबई आंतरराष्ट्रीय विमानतळावरील (एनएमआयए) व्यावसायिक कामकाज २५ डिसेंबरपासून सुरू होणार असल्याची माहिती अधिकाऱ्यांनी सोमवारी सांगितलंय.

सुरुवातीला इंडिगो, एअर इंडिया एक्सप्रेसआणि अकासा एअर द्वारे विमानसेवा चालवली जाणार आहे. या एअरलाइन्सची विमानसेवा मुंबईला १६ प्रमुख देशांतर्गत स्थळांशी जोडणार आहे. ख्रिसमस म्हणजेच २५ डिसेंबरपासून नागपूर आणि नवी मुंबई दरम्यान विमानसेवा सुरू होणार आहे. सुरुवातीच्या टप्प्यात जोडल्या गेलेल्या पहिल्या दहा शहरांमध्ये नागपूरचा समावेश असणार आहे.

Mumbai : मुंबई–पुणे एक्स्प्रेसवेवर मोठा बदल! १४,२६० कोटींचा मेगाप्लान, प्रवास होणार तुफान जलद

पहिल्या महिन्यात विमानतळ सकाळी ८ ते रात्री ८ या वेळेत सुरू राहील. याळात साधारण २३ उड्डाण होतील. या कालावधीत प्रति तासाला १० विमाने उड्डाण भरतील, असे अधिकाऱ्यांनी सांगितले. नवी मुंबई येथे येणारी पहिली फ्लाइट इंडिगो 6E460 असेन. हे विमान बेंगळुरूहून सकाळी ८ वाजता येईल. इंडिगो 6E882 सकाळी ८.४० मिनिटांनी ते हैदराबादला रवाना होईल.

ही नवीन विमानतळावरून पहिली आउटबाउंड सेवा असेन. दरम्यान विमानतळवरील अधिकाऱ्यानं सांगितलं की, अधिकाऱ्यांनी पुढे सांगितले की, पुढील वर्षी २५ डिसेंबर ते ३१ जानेवारी दरम्यान विमानतळावरून दररोज २३ उड्डाणे होतील. त्यानंतर यात वाढ करत ३४ उड्डाणे येथून केली जाणार आहेत.

इंडिगोच्या वेळापत्रकानुसार नवी मुंबई-नागपूरचं विमान मुंबईहून दुपारी १:४५ वाजता निघेल आणि दुपारी ३:२० वाजता नागपूरला पोहोचेल. परतीचे विमान नागपूरहून दुपारी ४:०० वाजता निघेल आणि नवी मुंबईला ५:३५ वाजता पोहोचेल. नागपूर ते मुंबंईस विमानाचं तिकीट तुम्हाला हवं असेन तर तुम्हाला इंडिगो एअरलाइन्सच्या वेबसाइटला भेट द्यावी लागेल.

जर तुम्हाला थर्टी फस्टसाठी मुंबईला जायचं असेल तर तु्म्हाला तिकीट बुक करावे लागले. दरम्यान पुढे भविष्यात नवी मुंबई ते नागपूरसाठी विमानांची संख्या वाढवली जाईल, अशी माहिती इंडिगो एअरलाइन्सकडून देण्यात आलीय.