Maharashtra Winter Session : ८ डिसेंबरपासून हिवाळी अधिवेशन; शनिवार-रविवारीही कामकाज सुरू, नागपुरात धडकणार ३३ मोर्चे

Maharashtra Winter Session : महाराष्ट्र विधिमंडळाचे हिवाळी अधिवेशन ८ डिसेंबरपासून सुरुवात होणार आहे. ८ डिसेंबर ते १४ डिसेंबर या कालावधीत नागपूरमध्ये हे अधिवशेन होणार आहे. महत्वाचे म्हणजे शनिवार आणि रविवार या शासकीय सुट्टीच्या दिवशी देखील दोन्ही सभागृहाचे कामकाज होणार आहे. हा निर्णय विधिमंडळ कामकाज सल्लागार समितीच्या बैठकीत घेतला. हिवाळी अधिवेशनासाठी नागपुरातील मुख्यमंत्री निवासस्थानापासून विधिमंडळ परिसर असलेल्या सिव्हिल लाईन्स भागात पोलिस छावणीचे स्वरूप आले आहे.

हिवाळी अधिवेशन बंदोबस्तासाठी शहर आणि बाहेर जिल्ह्यातील ७ हजार पोलिस सुरक्षेसाठी तैनात करण्यात आले आहेत. आधुनिक सुविधा असलेली ५ सुसज्ज दक्षता वाहने, गृहरक्षक दल, बॉम्ब शोधक, नाशक पथकासह विशेष कमांडो सुरक्षेसाठी तैनात करण्यात आली आहेत. मंत्री आणि नेत्यांच्या बंदोबस्तासाठी राज्यभरातून पोलिस फौजफाटा नागपुरात येण्यास सुरुवात झाली आहे. अधिवेशनात मोठ्या प्रमाणात मोर्चे काढले जातात त्यासाठी पोलिस बंदोबस्त असणार आहे.

Weather Update : बंगालच्या उपसागरात कमी दाबाचा पट्टा सक्रिय; राज्यात तापमान वाढणार, पुढील ४ दिवस महत्त्वाचा हवामान अंदाज

यंदा अधिवेशनाचा कालावधी ८ दिवसांचा असले तरीही राज्यभरातील विविध जिल्ह्यातील ३ हजारांहून अधिक पोलिस बंदोबस्तासाठी तैनात केले जाणार आहेत. यामध्ये उपायुक्त स्तरावरील १० अधिकारी , सहाय्यक उपायुक्त ३४ अधिकारी, पोलिस निरीक्षक आणि उपनिरीक्षक २०० अधिकारी, २१०० पोलिस अंमलदार टप्प्याटप्याने शहरात दाखल होत आहेत. यंदाचे हिवाळी अधिवेशन वादळी ठरण्याची शक्यता आहे. कारण विरोधक वेगवेगळ्या मुद्द्यावरून विरोधक सरकारला घेरण्याच्या तयारीत आहे.

८ डिसेंबरपासून नागपुरमध्ये होणाऱ्या हिवाळी अधिवेशनात ३३ मोर्चे धडकरणार आहेत. २२ संघटनांनी धरणे आंदोलन तर १७ संघटनांनी साखळी उपोषणाला परवानगी मागितली. अधिवेशनाच्या एक दिवस आधी दिंडोरा बॅरेज प्रकल्पग्रस्त संघर्ष समिती, चंद्रपूर, यवतमाळ, वर्धा संघर्ष समितीने मोर्चा काढण्याची परवानगी मागितली. एकाने आत्मदहनाची परवानगी मागितली आहे. अधिवेशनाच्या पहिल्याच दिवशी ५ मोर्चे विधानभवनावर धडकणार आहेत. आणखी मोर्च्यांची संख्या वाढण्याची शक्यता आहे.