Pune : पुणे महापालिकेतील उपायुक्तांच्यात पुन्हा फेरबदल; अधिकाऱ्यांमध्ये चिंता वाढली

Pune : राज्यात स्थानिक स्वराज्य संस्थेच्या निवडणुकांचा धुरळा उडालाय. निवडणुकांच्या पार्श्वभूमीवर पक्षांत्तर होत आहेत. नेत्यांच्या पक्ष बदलांनी वातावरण तापलंय. त्याचवेळी पुणे महापालिका बदल्यामुळे चर्चा आलीय. पुणे महापालिकेतील अधिकाऱ्यांच्या पुन्हा एकदा बदल्या झाल्या आहेत. दोन आठवड्यापूर्वीच उपायुक्तांच्या बदल्या झाल्या होत्या. आता पुन्हा एकदा उपायुक्तांच्या बदल्या करण्यात आल्या आहेत. आयुक्त नवल किशोर राम यांनी बदल्याचे आदेश दिलेत.

उपायुक्त अविनाश सकपाळ यांची १२ दिवसात दोन वेळा बदली झाली आहे. त्यांच्याकडे आता मोटर वाहन विभागाऐवजी घनकचरा व्यवस्थापन विभागाची जबाबदारी देण्यात आलीय. तर संदीप कदम यांच्याकडे मोटारवाहन विभाग देण्यात आलाय. घनकचरा व्यवस्थापन विभाग मिळावा म्हणून पाण्यात देव बुडवून बसलेल्यांना आयुक्तांनी झटका दिला आहे.

Mumbai : CIDCO तुमचं घराचं स्वप्न साकार करणार; तब्बल ४,५०८ घरांची नवी गृहनिर्माण योजना जाहीर

महापालिका आयुक्त नवल किशोर राम यांनी आयुक्तपदाचा कार्यभार स्वीकारल्यानंतर ते प्रशासनामध्ये अनेक बदल करत आहेत. शिस्त आणणे, चुकीच्या कामांना ब्रेक लावण्यास सुरुवात केलीय. राज्य सरकारने काही दिवसांपूर्वी आदेश काढून महापालिकेत प्रतिनियुक्तीवर अधिकारी पाठवले आहेत. सुमारे १५ दिवसांपूर्वी बदलीचे आदेश काढण्यात आलेत. काही अधिकाऱ्यांनी त्यांना क्रीम पोस्टिंग मिळावे यासाठी प्रयत्न केले होते.

पण आयुक्तांनी त्यांना योग्य वाटतील अशा बदल्या केल्या. त्यानंतर अवघ्या दोन दिवसांनी आदेश काढत अजून काही अधिकाऱ्यांच्या बदल्या केल्या. पण त्यात घनकचरा व्यवस्थापन विभागाचा समावेश नव्हता. पाच महिन्यांपूर्वीच उपायुक्त अविनाश सपकाळ यांची मिळकत कर विभागात बदली करण्यात आली होती. त्यानंतर त्यांची बदली करत त्यांना मोटर वाहन विभाग देण्यात आला.

त्यावेळी घनकचरा विभागाची जबाबदारी मिळावी यासाठी महापालिकेच्या तसेच शासनाच्या सेवेतील काही अधिकाऱ्यांनी दबाव आणला होता. तर काहीजणांनी मुंबईत मंत्र्याकडे जाऊन बदल्यांसाठी दबाव आणला. यावरून अधिकाऱ्यांमध्ये काहीशी तणाव निर्माण झाला होता.