PF खातेदारांसाठी मोठी खुशखबर! महिनाअखेरीस सुरू होणार नवी सुविधा; आता UPI आणि ATM द्वारे थेट काढता येणार पीएफचे पैसे!

PF Withdrawal Facility : PF खातेदारांसाठी मोठी खुशखबर! PF काढण्याची पद्धत बदलणार, महिनाअखेरीस सुरू होणार नवी सुविधा कर्मचाऱ्यांचं मोठं टेन्शन आता मिटलं आहे. सरकारने पीएफ संदर्भात अत्यंत महत्त्वाचा निर्णय घेतला असून आता पीएफमधून सहज पैसे काढता येणार आहेत. पूर्वीसारखी पैशांसाठी बँकांमध्ये धावपळ करावी लागणार नाही.

 

 

कर्मचारी भविष्य निर्वाह निधी संघटना (EPFO) आपल्या ७ कोटींहून जास्त सदस्यांसाठी मोठा बदल करण्याच्या तयारीत आहे. लवकरच सदस्यांना युपीआय (UPI) आणि एटीएम (ATM) द्वारे त्यांचा पीएफ काढता येईल. यामुळे कर्मचाऱ्यांना बँकेत लांबच्या लांब रांगा लावण्याची गरज भासणार नाही. सरकारी सूत्रांनी दिलेल्या माहितीनुसार, ही नवीन प्रक्रिया या महिन्याच्या शेवटच्या आठवड्यात सुरू होण्याची दाट शक्यता आहे.

याच महिन्यात जमा होणार ८.२५ टक्के व्याज सूत्रांनी दिलेल्या माहितीनुसार, आर्थिक वर्ष २०२५-२६ साठीचे ८.२५ टक्के व्याज कर्मचाऱ्यांच्या खात्यामध्ये याच महिन्यात जमा केले जाईल. ही रक्कम त्यांच्या जमा पैशांचे व्याज असेल. श्रम मंत्रालयातील एका अधिकाऱ्याने सांगितले की, 'EPFO 2.01' अंतर्गत सेंट्रलाइज्ड आयडी सिस्टीमचे काम पूर्ण झाले आहे. त्यामुळे या महिन्याच्या शेवटच्या आठवड्यापर्यंत UPI च्या मदतीने पैसे काढण्याची सुविधा उपलब्ध होऊ शकते. यामध्ये कर्मचारी त्यांची दाव्याची रक्कम (Claim Amount) UPI च्या मदतीने थेट आपल्या खात्यात जमा करू शकतात, तसेच एटीएमच्या मदतीने ही रक्कम काढू शकतात.

 

३ दिवस सर्व्हर ब्लॅकआउट राहण्याची शक्यता महत्त्वाची माहिती म्हणजे ही नवीन सुविधा सुरू करण्यापूर्वी EPFO च्या सर्व्हरमध्ये काही तांत्रिक बदल केले जाऊ शकतात. यासाठी ३ दिवस सर्व्हर 'ब्लॅकआउट' करण्यात येईल अशी शक्यता आहे. या तीन दिवसांच्या कालावधीत काही ऑनलाइन सेवा तात्पुरत्या बंद राहू शकतात. EPFO 2.01 अंतर्गत सुरू होणाऱ्या या अत्याधुनिक सुविधा अपडेट करण्यासाठी ही प्रक्रिया पूर्ण करणे गरजेचे आहे.

 

सविस्तर वाचा, लिंक कमेंट मध्ये https://punenews24.in/