Feng Shui : या प्राण्याची मूर्ती आहे खूपच शुभ, घरात ठेवताच होतो धनलाभ, कर्जातूनही मिळते मुक्ती

फेंग शुईला चीनी वास्तुशास्त्र असं म्हटलं जातं. ज्याप्रमाणे वास्तुशास्त्रात तुमच्या घराची रचना कशी असावी? घराचा मुख्य दरवाजा कोणत्या दिशेला असावा? घरात कोणत्या वस्तू असाव्यात? कोणत्या वस्तू असू नयेत? घराची सजावट करताना काय काळजी घ्यावी याबद्दल मार्गदर्शन करण्यात आलं आहे, त्याचं प्रमाणे फेंग शुईमध्ये देखील मार्गदर्शन करण्यात आलं आहे. फेंग शुईनुसार घरात काही विशिष्ट प्राण्याच्या, पक्ष्यांच्या प्रतिमा किंवा मूर्ती ठेवणं हे अत्यंत शुभ माण्यात आलं आहे. त्यामुळे घरात पैशांची आवक वाढते, सुख, समृद्धी येते आणि जर तुमच्यावर कर्ज असेल तर त्यातून देखील तुमची सुटका होते, यामध्ये लव्ह बर्ड, तीन पायांचा बेंडूक, कासव आणि उंट अशा काही प्राणी आणि पक्ष्यांच्या मूर्तीचा आणि प्रतिमेचा समावेश होतो. आज आपण उंटाची प्रतिमा घरात ठेवण्याचे फायदे जाणून घेणार आहोत. फेंग शुईमध्ये उंटाला संघर्षाचं प्रतिक माण्यात आलं आहे.

फेंग शुईमध्ये उटांला संघर्षाचं प्रतिक माण्यात आलं आहे. वाळवंटामध्ये अतिशय बिकट आणि कठीण परिस्थिती असते, मात्र अशाही वातावरणामध्ये उंट न थकता काम करतच राहतो, वाळवंटामध्ये उंटाशिवाय इतर कोणताही प्राणी दीर्घकाळ राहू शकत नाही, काम करू शकत नाही, म्हणून उंटाला संघर्षाचं प्रतिक माण्यात आलं आहे. तसेच उंटाला एक कुशल मार्गदर्शक देखील मानलं गेलं आहे. त्यामुळे घरात उंटाची मूर्ती किंवा प्रतिमा ठेवण्याचा सल्ला दिला जातो, जर घरात उंटाची प्रतिमा असेल तर तुम्हाला कठीण परिस्थितीमध्ये देखील मार्ग सापडतो, असं फेंग शुईमध्ये म्हटलं आहे.

फेंग शुईनुसार तुम्ही तुमच्या घरात किंवा ऑफिस दोन्ही ठिकाणी उंटाची मूर्ती किंवा प्रतिमा ठेवू शकता. जर तुमच्या नोकरीमध्ये काही समस्या असतील, व्यवसाय नीट चालत नसेल किंवा घरात काही आर्थिक अडचणी असतील तर त्या यामुळे दूर होतात, असा दावा फेंग शुईमध्ये करण्यात आला आहे. उंटाच्या मूर्तीसोबत तुम्ही घरात कासवाची मूर्ती देखील ठेवू शकता, त्याचे देखील अनेक फायदे फेंग शुईमध्ये सांगण्यात आले आहेत.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)