Pune : करिअरच्या संधींना बूस्ट! पाचवी ते दहावीच्या अभ्यासक्रमात वाणिज्य विषयाच्या समावेशाला गती; ICAIच्या मागणीला सकारात्मक प्रतिसाद

Pune : "वाणिज्य विद्याशाखेत करिअरच्या उत्तम संधी उपलब्ध आहेत. इयत्ता पाचवी ते दहावीच्या अभ्यासक्रमात वाणिज्य विषयाचा समावेश करण्यासाठी प्रयत्न करण्यात येणार आहेत. यासंदर्भात शालेय शिक्षणमंत्री दादा भुसे, शिक्षण सचिव आणि महाराष्ट्र राज्य शैक्षणिक संशोधन आणि प्रशिक्षण परिषदेचे संचालक राहुल रेखावार यांची भेट घेतली आहे.

त्यावेळी त्यांनी वाणिज्य विषयाच्या समावेशाबाबत सकारात्मक भूमिका घेतली आहे," अशी माहिती दी इन्स्टिट्यूट ऑफ चार्टर्ड अकाउंटंट्स ऑफ इंडियाच्या (आयसीएआय) वेस्टर्न इंडिया रिजनल कौन्सिलचे (डब्ल्यूआयआरसी) अध्यक्ष सीए केतन सैय्या यांनी दिली.

Pune : आठ महिन्यांपूर्वी मृत्यू, बेवारस म्हणून अंत्यविधी; ससूनमधून बेपत्ता भाजप नेत्याच्या सासऱ्यांबाबत धक्कादायक खुलासा

'डब्ल्यूआयआरसी'च्या उच्चपदस्थ अधिकारी शिष्टमंडळाने पुण्यातील विविध संस्थांना भेटी देऊन अधिकाऱ्यांशी चर्चा केली. 'आयसीएआय'च्या बिबवेवाडी येथील पुणे शाखेत संस्थेच्या वतीने सीए सभासद आणि विद्यार्थ्यांकरिता राबविण्यात येणाऱ्या उपक्रमांची माहिती देण्यात आली.

या वेळी सीए अभ्यासक्रमाच्या विद्यार्थ्यांसाठी तब्बल ५०० कोटी रुपयांच्या शिष्यवृत्तीची तरतूद केल्याचे सैय्या यांनी सांगितले. या वेळी कौन्सिलचे उपाध्यक्ष सीए पियुष चांडक, सचिव जीनल सावला, खजिनदार नील शहा, पुणे शाखेचे अध्यक्ष सीए सचिन मिणियार आदी उपस्थित होते.