Donald Trump : डोनाल्ड ट्रम्प यांच्याविरोधात मोठा कट, तरुणाचा रिसॉर्टमध्ये घुसून…एजंटेने गोळ्या घालून केले ठार!

Donald Trump Mar A Lago :अमेरिकेचे राष्ट्राध्यक्ष डोनाल्ड ट्रम्प सध्या जगभरात चर्चेच्या केंद्रस्थानी आहेत. त्यांनी घेतलेल्या टॅरिफबाबतचा निर्णय हा असंवैधानिक असल्याचा अमेरिकन सर्वोच्च न्यायालयाने दिला आहे. हा निर्णय म्हणजे डोनाल्ड ट्रम्प यांना मोठा फटका असल्याचे बोलले जात आहे. याच कारणामुळे ट्रम्प चर्चेत असताना एक धक्कादायक प्रकरण समोर आले आहे. मिळालेल्या माहितीनुसार डोनाल्ड ट्रम्प यांचे जिथे घर आहे, त्या भागात घुसण्याचा प्रयत्न एका तरुणाने केला आहे. या प्रयत्नानंतर अमेरिकेच्या सिक्रेट सर्व्हिसच्या एजन्ट्सने या तरुणाला गोळ्या घालून ठार केले आहे. या घटनेनंतर संपूर्ण अमेरिका हादरली आहे.

नेमकं काय घडलं?

मिळालेल्या माहितीनुसार रविवारी एका तरुणाने फ्लोरिडा येथील मार ए लागोमध्ये घुसण्याचा प्रयत्न केला. या तरुणाचे वय 20 वर्षे होते. त्याला अमेरिकेच्या सिक्रेट सर्व्हिसच्या एजंटने गोळ्या घालून ठार केले. हा वीस वर्षीय तरुण सुरक्षारक्षकांचे जाळे तोडून मार ए लागो रिसॉर्टमध्ये बेकायदेशीरपणे घुसण्याचा प्रयत्न करत होता. याच भागात डोनाल्ड ट्रम्प यांचे घर आहे. ही घटना घडली तेव्हा डोनाल्ड ट्रम्प मार ए लागो या ठिकाणी ट्रम्प नव्हते.

डोनाल्ड ट्रम्प यांचे ते विंटर हाऊस

यूएस सिक्रेट सर्व्हिसने प्रसिद्ध केलेल्या निवेदनानुसार ही घटना रविवारी दुपारी दीड वाजता घडली. ज्या तरुणाची हत्या झाली, त्याच्याजवळ शॉटगन तसेच एक इंधन सापडलेले आहे. ठार करण्यात आलेल्या व्यक्तीचे नाव अद्याप सार्वजनिक करण्यात आलेले नाही. मार ए लागो हे डोनाल्ड ट्रम्प यांचे विंटर हाऊस म्हणून ओळखले जाते. या घराला खूप कडक सुरक्षा असते.

त्याला थांबवण्याचा प्रयत्न केला पण…

ही घटने समोर येताच अमेरिकेतील स्थानिक पोलिसांनी तसेच एफबीआयने घटनास्थळी धाव घेतली. त्यानंतर या भागात नाकेबंदी करण्यात आली. 20 वर्षीय तरुणाने मार ए लागोमध्ये घुसण्याचा प्रयत्न केला. सिक्रेट सर्व्हिस एजंटच्या लोकांनी त्याला अडवण्याचा प्रयत्न केला. या वेळी सिक्रेट सर्व्हिसचे एजंट आणि तरुणात वाद झाला. त्यानंतर या एजंटने तसेच पाम बीच काऊंटी शेरिफ ऑपिसच्या एका अधिकाऱ्याने मिळून गोळीबार केला. यातच तो 20 वर्षीय तरून ठार झाला. दरम्यान, पोलीस या प्रकरणाचा सखोल तपास करत आहेत.