Delhi : सिरीयल स्फोटाचा भीषण कट उधळला! दहशतवाद्यांच्या निशाण्यावर ४ शहरं; 32 गाड्यांमध्ये विध्वंसक बॉम्ब

Delhi : देशभरातील 4 शहरात 32 बॉम्ब एकाच वेळी फुटणार होते. आणि त्यासाठी 32 जुन्या गाड्यांचा वापर करण्यात येणार होता. त्यासाठी 2 गाड्यांमध्ये स्फोटकं ठेवण्यासाठी आणि स्फोटकांसाठी बदल करण्यात आले होते. यापैकी ज्या गाडीत स्फोट झाला ती EcoSport जप्त करण्यात आली. देशभरात बॉ्म्बस्फोटासाठी 8 दहशतवाद्यांच्या 4 टीम तयार करण्यात आल्या होत्या.

दिल्लीतील स्फोटात 13 लोकांचे मृत्यू तर शेकडो जखमी झाल्यानंतर देशभरात दहशतीचं वातावरण आहे. त्यामुळे या निष्ठूर दहशतवाद्यांना धडा शिकवण्यासाठी तपास यंत्रणांनी आपल्या तपासाची चक्र फिरवत अनेक राज्यात छापासत्र सुरु केलं. त्यातून समोर आलेली माहिती धक्कादायक आहे.

Pune : पुणेकरांना मोठा दिलासा! अभय योजनेत थकबाकीदारांना दंडात तब्बल 75% सूट; अंतिम तारीख काय आहे?

तपास यंत्रणांनी देशभरात केलेल्या छापेमारीत डॉ. उमर नबी आणि डॉ. मुजम्मिल यांच्या खोल्यामधून डायऱ्या जप्त केल्या या डायऱ्यामध्ये कटासंबंधी नोंदी आणि जम्मू-काश्मीर, फरीदाबाद मधील 25 लोकांची नावं सापडली. याच डायऱ्यामध्ये कोडवर्डचा वापर करण्यात आलाय. ज्यामध्ये तुर्कस्तानातील हँडलर उकासाचं नाव उघड झालं असून तो जैश-ए-मोहम्मद आणि अंसार गजवत-उल-हिंद संघटनांमधील या कटासंबंधी दुवा होता.

या कटासाठी 2020 पासून योजना आखण्यात आली असून टेलिग्रामवर नंतर सिग्नल आणि सेशन सारख्या एन्क्रिप्टेड ॲप्सवर संवादासाठी २-४ लोकांचा एक गुप्त गट बनवण्यात आला स्फोटासाठी आरोपींनी 20 लाख जमवत IED बनवण्यासाठी ३ लाख रुपयांचे २० क्विंटल NPK खत गुरुग्राम आणि नूगमधून खरेदी केलं.

तपास यंत्रणांनी स्फोटानंतर केलेल्या कसून तपासात आता या आरोपींची त्यांना साथ देणाऱ्या बगलबच्च्यांची आणि देशाबाहेर बसलेल्या त्यांच्या आकांची सगळी कुंडली बाहेर काढायला सुरुवात केलीये. त्यामुळे या प्रकरणाचा तपास करुन संबंधितांना थेट जल्हादाच्या हाती देण्यासाठी तपास यंत्रणा कामाला लागल्या. विचार करा, जर देशभरात ३२ बॉम्बब्लास्ट झाले असते तर काय चित्र असतं?

देशाच्या राजधानीत झालेल्या कटाची योजना 5 वर्ष आधीपासून सुरु होते. आणि देशात 32 कार बॉम्ब ब्लास्ट करण्यासाठी 8 जणांची टिम तयार होते आणि हे सगळं आपल्याला देशाच्या राजधानीत स्फोट झाल्यानंतर कळतं त्यामुळे आपलं इंटिलिजेन्स आणि तपास यंत्रणांनी देखिल आत्मपरिक्षण करायलाच हवं.