Borivali News : बोरिवलीत १६ व्या मजल्यावरून पडून तिघांचा मृत्यू; इमारतीचं बाधकाम सुरू असताना दुर्घटना

मनोरंजन समाज (वय ४२), शंकर वैद्य (२५), पियुश हरदार (३८) अशि मृतांची नावे आहेत, तर सुशिल गुप्ता (३५) यांची प्रकृती चिंताजनक आहे.

मिळालेल्या माहितीनुसार, बोरिवली पश्चिमेकडील कल्पना चावला चौकातील सोनी वाडी येथे 24 मजली इमारतीचं बांधकाम सुरू आहे. दरम्यान आज दुपारी 16 व्या मजल्याचं मचान अचानक कोसळलं. यात चार कामगार जखमी झाले होतो. त्यांना ताबडतोब कांदिवली येथील शताब्दी रुग्णालयात दाखल करण्यात आले, मात्र तिघा कामगारांना मृत घोषित करण्यात आलं. तर चौथ्या कामगाराची प्रकृती चिंताजनक आहे, अशी माहिती एका अधिकाऱ्यांने दिली आहे.