अंबरनाथच्या ग्राम महसूल अधिकाऱ्याला २० हजारांची लाच घेताना रंगेहात पकडले; ७/१२ उताऱ्यासाठी केली होती मागणी.

सातबारा उताऱ्यावर नावे लावण्यासाठी २० हजारांची लाच; अंबरनाथमधील तलाठी एसीबीच्या जाळ्यात

अंबरनाथ येथे एका ग्राम महसूल अधिकाऱ्याला (तलाठी) लाच स्वीकारताना लाचलुचपत प्रतिबंधक विभागाने (ACB) रंगेहात पकडले आहे. ईश्वर जाधव असे या लाचखोर अधिकाऱ्याचे नाव आहे. आपल्या पदाचा गैरवापर करून सामान्य नागरिकांकडून पैसे उकळल्यामुळे त्याच्यावर कारवाई करण्यात आली आहे.

मिळालेल्या माहितीनुसार, तक्रारदाराच्या जमिनीच्या सातबारा उताऱ्यावर वारसांची नावे लावण्यासाठी ईश्वर जाधव याने २० हजार रुपयांच्या लाचेची मागणी केली होती. तक्रारदाराला ही लाच देण्याची इच्छा नसल्याने त्यांनी ठाणे लाचलुचपत प्रतिबंधक विभागाकडे धाव घेतली आणि तक्रार नोंदवली.

तक्रारीची शहानिशा केल्यानंतर, एसीबीच्या पथकाने सापळा रचला. अंबरनाथ येथील कार्यालयात तक्रारदाराकडून २० हजार रुपयांची लाच स्वीकारताना ईश्वर जाधव याला पथकाने रंगेहात पकडले. या कारवाईमुळे महसूल विभागातील भ्रष्टाचाराचा मुद्दा पुन्हा एकदा चव्हाट्यावर आला आहे. सध्या आरोपीवर लाचलुचपत प्रतिबंधक कायद्यान्वये गुन्हा दाखल करण्याची प्रक्रिया सुरू असून, या प्रकरणी अधिक तपास पोलीस करत आहेत.

 

सविस्तर वाचा, लिंक कमेंट मध्ये  https://punenews24.in/