3 दिवसांच्या मुलीचं हॉस्पिटलमधून अपहरण, वडीलच निशाण्यावर; अंगावर काटा आणणारा थ्रिलर चर्चेत

कोणताही सिनेमा पाहत असताना पुढे काय होणार… असा प्रश्न प्रेक्षकांना कायम पडत असतो… अशात गुंतवून ठेवणारे सिनेमे प्रेक्षकांना प्रचंड आवडतात… अशा जॅनरचे सिनेमे आता साउथ इंडस्ट्रीमध्ये धुमाकूळ घालत आहेत. एक काळ असा होता, जेव्हा साउथ सिनेविश्वाची खट्टा केली जायची, पण आता सर्वत्र साउथच्या सिनेमांचा बोलबाला दिसत आहे. अशात नुकताच प्रदर्शित झालेला ‘बेबी गर्ल’ सिनेमा तुफान चर्चेत आहे. दिग्दर्शक अरुण वर्मा दिग्दर्शि आणि अभिनेता निविन पॉल स्टारर मल्याळम सिनेमा ‘बेबी गर्ल’ 23 जानेवारी रोजी मोठ्या पडद्यावर प्रदर्शित झाला. आता सिनेमा ओटीटी प्लॅटफॉर्म सोमी लिव्हवर देखील प्रदर्शित करण्यात आला आहे.

सिनेमात एका नुकताच जन्मलेल्या मुलीचं अपहरण करण्यात आल्याची कथा दाखवण्यात आली आहे, जी अंगावर काटा आणणारी आहे. रिपोर्टनुसार, सिनेमाची कथा सत्य घटनेवर आधारित आहे… सिनेमाची कथा 3 दिवसांच्या मुलाच्या अपहरणा भोवती फिरताना दिसत आहे. जी रुग्णालयातून गायब होते. याच दमरम्यान, पोलीस या प्रकरणी चौकशी करण्यास सुरुवात करतात आणि त्यांचा संशय ‘सनल मॅथ्यू’ याच्यावर जातो… जो रुग्णालयात काम करत असतो.

सिनेमात निविन पॉल याने अशी भूमिका बाजवली, जी सध्या सर्वत्र चर्चेत आहे. मुलगी बेपत्ता झाल्याचं कळताच निविन कसून चौकशी सुरु करतो… पण चौकशी दरम्यान, त्या मुलीच्याच वडिलांचा यात हात असल्याचं पोलिसांच्या लक्षात येतं… पण मुलीचं अपहरण कोणी केलं आणि त्यानंतर तिच्यासोबत काय झालं? हे जाणून घेण्यासाठी तुम्हाला सिनेमाच पाहावा लागेल…

एका मुलाखतीत दिग्दर्शकांनी सांगितलं की, सिनेमासाठी निविन त्यांनी सर्वात आधी निवड करण्यात आली नव्हती… दुसऱ्या अभिनेत्यासाठी भूमिका लिहिण्यात आलेली. पण तारखा जुळत नसल्यामुळे निविन याला विचारण्यात आलं… अंतिम टप्प्यात निविन याला विचारलं आणि त्याने होकार देखील दिला… आम्ही निविन याच्यासाठी कथेत थोडे फार बदल केले आणि अभिनेत्याने देखील भूमिकेला योग्य न्याय दिला.

सांगायचं झालं तर, ‘बेबी गर्ल’ सिनेमा मोठ्या पडद्यावर काही खास कमागिरी करू शकला नाही. पण ओटीटी प्लॅटफॉर्मवर प्रदर्शित होताच सिनेमाने विक्रम रचले… ओटीटीवर प्रदर्शित होण्यापूर्वीच सिनेमाने 4.10 कोटींचा गल्ला जमावला आहे.