नाशिकच्या वणीजवळ चालकाचा वाहनावरील ताबा सुटला; अपघातात ३० हून अधिक भाविक जखमी

नाशिकच्या वणी येथून अपघाताचं वृत्त समोर आलं आहे. नाशिकच्या वणी गडावर भाविकांच्या वाहनाला भीषण अपघात झाला आहे. या अपघातात ३० हून अधिक भाविक जखमी झाले आहेत. या अपघातातील जखमींवर वणी येथील रुग्णालयात उपचार सुरू आहेत. 

मिळालेल्या माहितीनुसार, नाशिकच्या वणी गडावर भाविकांच्या गाडीला भीषण अपघात झाला आहे. अपघातात ३० हून अधिक भाविक जखमी झाल्याची माहिती समोर आली आहे. या अपघातात जखमी असलेले सगळे भाविक मालेगावच्या दाभाडीचे आहेत. वाहन चालकाचा वाहनावरील ताबा सुटल्याने वाहन उलटले. त्यानंतर हा भीषण अपघात झाला.

सर्व भाविक हे मालवाहतूक करणाऱ्या पिकअप वाहनाने वणीच्या सप्तशृंगी देवीच्या दर्शनाला जात होते. याचदरम्यान, पिकअप वाहन उलटून अपघात झाला. या अपघातात ३० हून अधिक भाविक जखमी झाले. त्यांना वणी येथील ग्रामीण रुग्णालयात दाखल केले. जखमी भाविकांवर रुग्णालयात उपचार सुरू आहे.