तो पूर्व विदर्भातील नेता कोण? फाईलवर सही करण्यासाठी अजितदादांना थांबवलं होतं का? रोहित पवारांचा सवाल

अजितदादा यांचा विमान अपघातात मृत्यू झाल्यानंतर अनेक प्रश्न निर्माण झाले आहेत. या प्रकरणात राष्ट्रवादी शरद पवार गटाचे युवा नेते रोहित पवार यांनी एक पत्रकार परिषदेत घेत अनेक संशय व्यक्त केले आहे. एक मोठा राजकीय नेता आपल्यातून निघून जातो. अशा अपघातातील सर्व प्रश्नांची उत्तरे आपल्याला मिळालायच हवीत हे या पत्रकार परिषदेचा हेतू आहे असेही रोहित पवार यावेळी म्हणाले.अजितदादांना विमानाने आयत्यावेळी का जावे लागले याबद्दलचा घटनाक्रमही रोहित पवार यांनी यावेळी सांगितला आहे.

यावेळी रोहित पवार म्हणाले की या मागे घातपात आहे का? मलाही शंका आहे. हा कदाचित घातपात असू शकतो. आम्ही रिसर्च करत असताना सेक्युरिटी एरियात काम करणारा व्यक्ती आला. तो म्हणाला, इस्त्रायल माहीत आहे. मोसाद माहिती आहे का. तो म्हणाला मला हे पुस्तक वाच. त्यात एक लाईन आहे. ती वाच. डेगन नावाच्या व्यक्तीची माणस मारण्याची टेक्निक आहे. एखाद्या व्यक्तीला मारायचं असेल तर त्याचा चालकला मारलं तर विषयच संपला, असं तो डेगन म्हणायचा.

अजितदादा यांच्या विमान अपघाती मृत्यू संदर्भात दीड तासांचे प्रेझेटेन्शन यावेळी रोहित पवार यांनी केले. त्यावेळी ते म्हणाले की हा घातपात आहे अशी राज्यभरात चर्चा आहे. त्याच्या खोलात आपल्याला जावं लागेल. राज्यातील मोठा नेता गेला, ही गोष्ट काही लाईटली घेता येत नाही. जोपर्यंत उत्तरं मिळत नाही. तोपर्यंत आम्ही शांत बसणार नाही असेही ते म्हणाले.

२७ तारखेला बैठका झाल्यावर अजितदादांनी अधिकाऱ्यांना सांगितले की आपण आता पाच तास काम करु. एक मोठे नेते दादांना भेटायला येणार होते. ते उशिरा आले. मुळे चर्चेत वेळ दवडला गेला. त्यामुळे दादा गाडीने जाणार होते, ते विमानाने गेले. त्यामुळे त्यांनी अखेर विमान बूक केले. पूर्व विदर्भातील एक नेते आहेत. दादांचे मोबाईल चेक करा. रोहित पवार पुढे म्हणाले की सही करावीच लागते. फार महत्त्वाची फाईल आहे. असं त्यांना सांगितलं गेलं. फाईल घरी नव्हती. मंत्रालयात होती. फाईल येईपर्यंत वेळ गेला. ट्रॅफिक होतं. म्हणून फाईल उशिरा आली. त्यामुळे वेळ गेला. दादांनी फाईलवर सही केली. त्यातही वेळ गेला असेही ते म्हणाले.