अजितदादांच्या घातपाताचा संशय; विमान दुर्घटना, टाइमलाइन, चॅटिंग, पायलट ते सर्व व्हिडिओ अन् शंकांचं काहूर माजवणारे सवाल

राष्ट्रवादीचे नेते अजित पवार यांच्या विमान अपघातावर आता त्यांचे पुतणे आमदार रोहित पवार यांनी देखील संशय व्यक्त केला आहे. अजितदादांचा बारामतीला जाण्याचा प्लॅन अचानक बदलला की कुणाकडून बदलण्यात आला हे पहावे लागेल असे रोहित पवार म्हणाले. मागच्या काही दिवसांपासून अजितदादा खूप काळजी घ्यायचे, त्यांनी प्लॅस्टिकच्या बाटलीतून पाणीही प्यायचे बंद केले होते अशी माहिती रोहित पवारांनी दिली. 28 जानेवारी रोजी अजित पवार यांचे विमान अपघातात निधन झाले यानंतर संपूर्ण राज्यात एक पोकळी निर्माण झाली. मात्र यावर अनेक नेत्यांनी संशय व्यक्त केला होता. आता खुद्द पवार घराण्यातील व्यक्तीने अनेक गंभीर प्रश्न उपस्थित करत राज्यात खळबळ उडवून दिली आहे. रोहित पवार यांनी पत्रकार परिषद घेत स्क्रीनवर अनेक दावे दाखवल ज्यामुळे हा घातपात आहे असा दाट संशय व्यक्त केला जात आहे.