जिवंत राहायचे असेल तर तात्काळ देश सोडा… अमेरिकेचा हाय अलर्ट, काहीतरी भयंकर…

अमेरिका आणि इराणमधील तणाव प्रचंड वाढला. इस्त्रायल आणि अमेरिका मिळून इराणवर हल्ले करत आहे. इराणकडून अमेरिकेची आणि जगाची झोप उडवणारा व्हिडीओ शेअर करण्यात आला. या व्हिडीओमध्ये अनेक घातक शस्त्रे दिसत आहेत. इराणने जगापासून हा इतका मोठा शस्त्र साठा लपवून ठेवला. इराणवर हल्ला करण्यापूर्वी अमेरिका किंवा इस्त्रायलला देखील या शस्त्रसाठ्याची कल्पना नसावी. अमेरिकेचे लष्कर तळ ज्या ज्या देशांमध्ये आहेत, त्या देशांमध्ये इराणकडून हल्ला केला जात आहे. इस्त्रायलवर असंख्य हल्ले केली जात आहेत. इस्त्रायलच्या सरकारने आपल्या नागरिकांना बंकरमध्ये राहण्याची सूचना दिली. इराणच्या एका शाळेवर मोठा घातक हल्ला इस्त्रायलकडून करण्यात आला, ज्यामध्ये 130 पेक्षा अधिक लहान मुलांचे जीव गेले. इराणवर अमेरिकेकडून मोठे हल्ले केले जात आहेत. यासोबतच साैदी अरेबियातील अमेरिकन दूतावास कार्यालयावर भीषण हल्ला करण्यात आला. या हल्ल्यानंतर भीतीचे वातावरण बघायला मिळाले.

अमेरिका आणि इराण यांच्यात युद्ध पेटलेले असतानाच आता अमेरिकेने अत्यंत मोठा हाय अलर्ट जारी केला. सध्याच्या युद्धाच्या परिस्थितीमध्ये अमेरिकेच्या स्टेट डिपार्टमेंटने मध्य पूर्वेतील 14 देशांतील आपल्या नागरिकांना तातडीने बाहेर पडण्याचा हाय अलर्ट जारी केला. कोणत्याही मार्गाने लवकारत लवकर हे देश सोडण्याच्या सूचना जारी केल्या आहेत. अमेरिकेने म्हटले की, मध्य पूर्वेतील गंभीर धोक्यामुळे अमेरिकन नागरिकांनी ताबडतोब आणि लवकरात लवकर व्यावसायिक विमानांनी किंवा मिळेल त्या मार्गाने आखाती देशातून बाहेर पडावे.

ज्या 14 देशातून आपल्या नागरिकांनी तात्काळ बाहेर पडावे, अशी सूचना अमेरिकेने केलेल्या देशांच्या यादीमध्ये कुवेत, गाझा, बहरीन, इराण, इजिप्त, यूएई, इस्त्रायल, जॉर्डन, लेबनॉन, इराक, कतार, साैदी अरेबिया, सीरिया, येमेन या देशांचा समावेश आहे. या देशातून शक्य तितक्या लवकर आपल्या नागरिकांना बाहेर पडण्याच्या सूचना अमेरिकेने दिल्या आहेत.

व्यावसायिक विमानांची मदत घेण्याच्या सूचनाही दिल्या आहेत. मात्र, ज्या देशांमधून अमेरिकेने आपल्या नागरिकांना बाहेर पडण्याच्या सूचना दिल्या आहेत. त्या देशातील जवळपास विमानतळे बंद आहेत. जसे शक्य आहे, तसे या 14 देशातून बाहेर पडा, असे अमेरिकेने आपल्या नागरिकांना म्हटले. अनेक देशांमध्ये थेट अमेरिकेच्या दूतावासाला टार्गेट करण्यात आले.