ॲपल उत्पादनांच्या किमतीत मोठी वाढ; इलॉन मस्क यांनाही बसला धक्का, म्हणाले- "मी पाहिलेली ही आतापर्यंतची सर्वात मोठी वाढ!"

लोकप्रिय टेक कंपनी 'ॲपल'ने (Apple) आपल्या अनेक उत्पादनांच्या किमतीत मोठी वाढ केली आहे. मेमरी आणि स्टोरेज चिप्सच्या उत्पादन खर्चात झालेली विक्रमी वाढ हे या निर्णयामागचे मुख्य कारण असल्याचे कंपनीने स्पष्ट केले आहे. ॲपलच्या या निर्णयावर टेस्ला आणि xAI चे प्रमुख इलॉन मस्क यांनीही सोशल मीडिया प्लॅटफॉर्म 'एक्स' (X) वर आश्चर्य व्यक्त केले आहे.

 

इलॉन मस्क यांची प्रतिक्रिया: ॲपलचे सीईओ टिम कूक यांच्या विधानाचा संदर्भ देत मस्क यांनी लिहिले आहे की, त्यांनी त्यांच्या संपूर्ण कारकिर्दीत कोणत्याही कंपोनंटच्या किमतीत इतकी प्रचंड वाढ कधीही पाहिलेली नाही. मस्क यांच्या मते, "ही आतापर्यंतच्या इतिहासातील कोणत्याही वस्तूच्या किमतीतील सर्वात मोठी वाढ आहे." यापूर्वी टिम कूक यांनीही 'द वॉल स्ट्रीट जर्नल'शी बोलताना सांगितले होते की, गेल्या ४० वर्षांत त्यांनी अशा प्रकारची किमतीतील वाढ पाहिलेली नाही.

किमती का वाढल्या? ॲपलने दिलेल्या माहितीनुसार, सध्या जगभरात एआय (AI) डेटा सेंटर्स मोठ्या प्रमाणावर उभारले जात आहेत. यामुळे मेमरी आणि स्टोरेज चिप्सची मागणी अचानक वाढली असून, त्यांच्या किमती विक्रमी पातळीवर पोहोचल्या आहेत. आतापर्यंत कंपनीने हा अतिरिक्त खर्च स्वतः सहन केला होता, परंतु आता तो वाढीव बोजा उत्पादनांच्या किमतींवर टाकणे भाग पडले आहे.

या वाढीव किमतींमुळे ॲपलच्या आगामी उत्पादनांच्या खरेदीवर ग्राहकांचा खिशाला चांगलीच कात्री बसणार असल्याचे चित्र आहे.

 

सविस्तर वाचा, लिंक कमेंट मध्ये https://punenews24.in/