मालेगावात काळजाचा थरकाप! खेळताना ५ वर्षीय चिमुकल्याचा विजेच्या धक्क्याने मृत्यू; संतापलेल्या नागरिकांचे मध्यरात्रीपर्यंत आंदोलन.

मालेगाव: येथील नयापुरा भागातील नुराणी मशिदीसमोरील गल्लीत खेळत असताना विजेचा तीव्र धक्का लागून एका ५ वर्षीय चिमुकल्याचा दुर्दैवी मृत्यू झाला. या घटनेमुळे परिसरात एकच खळबळ उडाली असून, नागरिकांनी तीव्र संताप व्यक्त केला आहे. गेल्या सहा दिवसांतील विजेच्या धक्क्याने झालेली ही तिसरी जीवितहानी असल्याने परिसरात भीती आणि रोषाचे वातावरण आहे.

 

नेमकी घटना काय?
नयापुरा भागात राहणारा हा ५ वर्षीय बालक आपल्या घराच्या परिसरात खेळत होता. खेळत असताना त्याचा अचानक विद्युत खांबाला स्पर्श झाला. खांबात वीजप्रवाह उतरल्याने त्याला जोरदार विजेचा धक्का बसला आणि त्यातच त्याचा जागीच मृत्यू झाला. या घटनेनंतर परिसरात शोककळा पसरली.

नागरिकांचे तीव्र आंदोलन:
विजेच्या लोंबकळत्या तारा आणि विद्युत खांबांच्या असुरक्षिततेमुळे वारंवार अशा घटना घडत असल्याने संतप्त नागरिकांनी रात्री उशिरापर्यंत ठिय्या आंदोलन केले. प्रशासनाच्या हलगर्जीपणामुळे निष्पाप मुलाचा बळी गेल्याचा आरोप करत स्थानिकांनी कारवाईची मागणी केली. अखेर पोलीस प्रशासनाने संबंधितांवर कारवाई करण्याचे आणि सुरक्षेच्या उपाययोजना करण्याचे ठोस आश्वासन दिल्यानंतर, पहाटे तीनच्या सुमारास हे आंदोलन मागे घेण्यात आले. महावितरणच्या कारभारावर आता प्रश्नचिन्ह उपस्थित केले जात आहे.

 

सविस्तर वाचा, लिंक कमेंट मध्ये  https://punenews24.in/