सर्वोच्च न्यायालयाचा मोठा निर्णय! पीडिता सज्ञान होताच आरोपीशी विवाह, 'पोक्सो'ची शिक्षा केली रद्द.

सर्वोच्च न्यायालयाने (Supreme Court) एका अत्यंत महत्त्वाच्या प्रकरणात मोठा निर्णय दिला असून, अल्पवयीन असताना संबंध निर्माण झाल्याने दाखल झालेली 'पोक्सो' (POCSO) अंतर्गत शिक्षा सर्वोच्च न्यायालयाने रद्द केली आहे.

नेमकी घटना: या प्रकरणात पीडित मुलगी अल्पवयीन असताना तिचे एका तरुणासोबत प्रेमसंबंध होते. या संबंधांमुळे तिला १० वर्षांची शिक्षा सुनावण्यात आली होती.

कायदेशीर लढा: चेन्नई उच्च न्यायालयाने या प्रकरणातील याचिका फेटाळल्यानंतर पीडित दाम्पत्याने सर्वोच्च न्यायालयात धाव घेतली होती.

न्यायालयाचा निर्णय: न्यायमूर्ती जे. के. महेश्वरी आणि न्यायमूर्ती अतुल एस. चांदूरकर यांच्या खंडपीठाने या प्रकरणावर सुनावणी करताना नमूद केले की, पीडितेला आता पती-पत्नी म्हणून शांततेने जीवन जगण्याचा पूर्ण अधिकार आहे.

 

कलम १४२ चा वापर: सर्वोच्च न्यायालयाने या प्रकरणातील 'वैशिष्ट्यपूर्ण परिस्थिती' (peculiar facts and circumstances) लक्षात घेऊन राज्यघटनेच्या कलम १४२ अंतर्गत आपल्या सर्वंकष अधिकारांचा वापर केला आणि शिक्षा रद्द केली.

महत्त्वाची नोंद: न्यायालयाने स्पष्ट केले की, हा आदेश केवळ या विशिष्ट प्रकरणापुरता मर्यादित असून, तो इतर कोणत्याही कारणासाठी 'उदाहरण' (precedent) म्हणून ग्राह्य धरला जाऊ नये.