गॅस ग्राहकांनो सावधान! १ जून २०२६ पासून एलपीजी सिलिंडरचे ५ मोठे नियम बदलले; बुकिंग करण्यापूर्वी सविस्तर वाचा!

मुंबई: १ जून २०२६ पासून देशात घरगुती स्वयंपाकाच्या गॅस (LPG) आणि पाईप गॅस (PNG) वापराच्या नियमांमध्ये अत्यंत मोठे आणि महत्त्वाचे बदल लागू करण्यात आले आहेत. गॅस सिलेंडरची होणारी साठेबाजी, अवैध विक्री आणि काळाबाजार रोखण्यासाठी केंद्र सरकारने 'एक घर, एक गॅस कनेक्शन' हा नियम अधिक कडक करण्याचा निर्णय घेतला आहे. ऑईल मार्केटिंग कंपन्यांनी (OMCs) आपला डिजिटल डेटाबेस अपडेट केला असून, नवीन नियमांचे उल्लंघन करणाऱ्या ग्राहकांचे कनेक्शन थेट ब्लॉक केले जाणार आहे.

१ जून २०२6 पासून बदललेले ५ प्रमुख नियम खालीलप्रमाणे आहेत:

१. एक घर, एक गॅस कनेक्शन (No Dual Connection): नव्या नियमानुसार एकाच निवासी पत्त्यावर आता फक्त एकच ॲक्टिव्ह गॅस कनेक्शन ठेवण्याची परवानगी असेल. एकाच घरात एकापेक्षा जास्त कनेक्शन आढळल्यास कारवाई केली जाईल.

२. पीएनजी (PNG) धारकांना एलपीजी सिलेंडर नाही: ज्या ग्राहकांच्या घरांमध्ये पाईपद्वारे गॅस (PNG) जोडणी उपलब्ध आहे, त्यांना आता घरगुती एलपीजी सिलेंडर वापरता येणार नाही. जर तुमच्याकडे दोन्ही सुविधा असतील, तर तुमचे एलपीजी कनेक्शन तात्पुरते किंवा कायमचे निलंबित केले जाऊ शकते.

३. सिलेंडर सरेंडर करणाऱ्यांसाठी 'ट्रान्सफर व्हाउचर': ज्या ग्राहकांकडे पीएनजी सुविधा आल्यामुळे ते आपले जुने एलपीजी कनेक्शन सरेंडर (परत) करतील, त्यांना गॅस एजन्सीकडून 'ट्रान्सफर व्हाउचर' दिले जाईल. भविष्यात जर हे ग्राहक पीएनजी नसलेल्या दुसऱ्या भागात राहायला गेले, तर या व्हाउचरचा वापर करून त्यांना कोणत्याही त्रासाशिवाय पुन्हा नवीन एलपीजी कनेक्शन मिळवता येईल.

४. गॅस रिफिलिंगसाठी नवा 'लॉक-इन पिरियड': बाजारपेठेतील गॅसची टंचाई आणि साठेबाजी लक्षात घेता दोन सिलेंडर रिफिल करण्याच्या कालावधीत मर्यादा घालण्यात आली आहे. नवीन नियमानुसार, शहरी भागातील ग्राहकांना २५ दिवसांच्या आधी आणि ग्रामीण भागातील ग्राहकांना ४५ दिवसांच्या आधी दुसरा गॅस सिलेंडर बुक किंवा रिफिल करता येणार नाही.

५. व्यावसायिक सिलेंडर महागला, घरगुती दरात दिलासा:१ जून रोजी ऑईल कंपन्यांनी घरगुती वापराच्या (१४.२ किलो) सिलेंडरच्या दरात कोणताही बदल न केल्याने गृहिणींना मोठा दिलासा मिळाला आहे. मात्र, हॉटेल आणि व्यवसायासाठी वापरल्या जाणाऱ्या १९ किलोच्या व्यावसायिक (Commercial) सिलेंडरच्या दरात ४२ रुपयांची वाढ करण्यात आली आहे, तर ५ किलोच्या छोट्या एफटीएल सिलेंडरच्या किमतीत ११ रुपयांची वाढ झाली आहे.