पुण्यात उन्हाचा वाढता कडाका; तापमानाने गाठला उच्चांक

पुणे: काल-परवा पर्यंत अवकाळी पावसाची अनुभूती घेणाऱ्या पुणेकरांना (Pune Weather) आता असह्य उन्हाच्या झळांचा सामना करावा लागत आहे. पुण्यात सलग दुसऱ्या दिवशी कमाल तापमानात (Temperature in Pune) १.२ अंशांनी वाढ झाली आहे. बुधवारी पुण्यात ४१.३ अंश सेल्सिअस तापमानाची नोंद करण्यात आली. तर कोरेगाव पार्क येथे सर्वाधिक म्हणजे तब्बल ४३.९ अंश सेल्सिअस कमाल तापमानाची नोंद झाली. याशिवाय जिल्ह्यातील ढमढेरे येथे ४४.१ अंश सेल्सिअस तापमान नोंदविले गेले.