एक्स्प्रेस वेवर काळजाचा थरकाप! डबल डेकर बस उलटून ६ जणांचा मृत्यू; मृतांमध्ये पोलीस अधिकारी आणि कैद्याचा समावेश

लखनऊ-आग्रा एक्स्प्रेस वेवर भीषण अपघात: चालकाला डुलकी लागल्याने नियंत्रित बस कठड्यावर आदळली; १९ जण गंभीर जखमी उत्तर प्रदेशातील उन्नाव जिल्ह्यातील औरास पोलीस ठाणे हद्दीत लखनऊ-आग्रा एक्स्प्रेस वेवर मंगळवारी (२६ मे २०२६) पहाटे एक अत्यंत भीषण आणि काळजाचा थरकाप उडवणारा
अपघात घडला आहे. प्रवाशांनी भरलेली एक वेगवान डबल डेकर बस अचानक नियंत्रणाबाहेर जाऊन एक्स्प्रेस वेच्या कठड्यावर जोरात धडकली आणि पलटी झाली. हा अपघात इतका भीषण होता की बसच्या काचा फुटून अनेक प्रवासी थेट खिडक्यांमधून बाहेर राष्ट्रीय महामार्गावर फेकले गेले.

या दुर्घटनेत एका पोलीस अधिकाऱ्यासह ६ जणांचा जागीच मृत्यू झाला आहे, तर १९ हून अधिक प्रवासी गंभीर जखमी झाले आहेत. न्यायालयीन सुनावणीवरून परतताना काळाचा घालामिळालेल्या माहितीनुसार, अपघाताच्या वेळी या डबल डेकर बसमधून एकूण ३० प्रवासी प्रवास करत होते. ही बस दिल्लीवरून गोरखपूरच्या
दिशेने जात होती. मृतांमध्ये बिहारच्या सीवान पोलीस लाईन ठाण्यात कार्यरत असलेले पोलीस अधिकारी रामचंद्र राम आणि एका कैद्याचा समावेश आहे. हा कैदी (छत्रपाल सिंह) एका गुन्ह्याशी संबंधित होता. बिहार पोलीस त्याला हरियाणातील गुरुग्राम येथील न्यायालयात सुनावणीसाठी घेऊन गेले होते.

कोर्टातील सुनावणी संपवून पोलीस अधिकारी आणि अंमलदार कैद्याला घेऊन याच बसने परत येत असताना पहाटेच्या सुमारास हा भीषण अपघात झाला, ज्यामध्ये दोघांचाही मृत्यू झाला. चालकाला डुलकी लागल्याने दुर्घटनाऔरास पोलिसांच्या प्राथमिक तपासानुसार, पहाटेच्या वेळी बस चालकाचा डोळा लागल्याने
(डुलकी लागल्याने) वाहनावरील नियंत्रण सुटले असावे. अतिवेगात असलेली बस थेट रस्त्याच्या कडेला असलेल्या सुरक्षा कठड्याला घासून उलटली. अपघातानंतर घटनास्थळी विदारक दृश्य पाहायला मिळाले. काही प्रवाशांचे हात-पाय तुटले असून प्रवासी खिडक्याबाहेर दूरवर फेकले गेले होते.

स्थानिकांच्या मदतीने बचावकार्यअपघाताचा आवाज ऐकताच महामार्गावरील इतर वाहनचालक आणि स्थानिक नागरिकांनी तातडीने मदतीसाठी धाव घेतली. घटनेची माहिती मिळताच औरास पोलीस स्टेशनचे पथक आणि महामार्ग प्राधिकरणाची रुग्णवाहिका घटनास्थळी दाखल झाली. पोलिसांनी स्थानिक लोकांच्या मदतीने
बसच्या खिडक्या आणि दरवाजे तोडून आत अडकलेल्या जखमी प्रवाशांना बाहेर काढले. सर्व जखमींना तातडीने जवळच्या जिल्हा रुग्णालयात आणि ट्रॉमा सेंटरमध्ये दाखल करण्यात आले असून, त्यापैकी काहींची प्रकृती चिंताजनक असल्याचे डॉक्टरांनी सांगितले आहे.

अपघातामुळे एक्स्प्रेस वेवरील वाहतूक काही काळासाठी विस्कळीत झाली होती, मात्र क्रेनच्या साहाय्याने अपघातग्रस्त बस बाजूला करून प्रशासनाने वाहतूक पूर्ववत केली.