ZP Election Result : झेडपी निकालात अजितदादांचा प्रभाव; पहिल्याच तासात राष्ट्रवादीच्या उमेदवाराचा दणदणीत विजय

ZP Election : अजितदादा पवार यांच्या अकाली निधनानंतर राज्यात पहिलीच निवडणूक होत आहे. १२ जिल्हा परिषदेसाठी ७ तारखेला मतदान पार पडले होते. आज सकाळी १० वाजलेपासून मतमोजणीला सुरूवात झाली आहे. मतमोजणीला सुरूवात झाल्यानंतर राज्यातील पहिला कल अजित पवार यांच्या राष्ट्रवादी काँग्रेसच्या बाजूने लागला आहे. सोलापूरमधील माढा तालुक्यात अजित पवार यांच्या राष्ट्रवादी काँग्रेसच्या उमेदवाराने विजय मिळवलाय. सोलापूरमध्ये भाजप आणि राष्ट्रवादी काँग्रेसमध्ये जोरदार टक्कर पाहायला मिळत आहे. 

सोलापूरमध्ये अजित पवारांच्या राष्ट्रवादीने खाते उघडले. माढा तालुक्यातील भोसरे जिल्हा परिषद गटात अजित पवार यांच्या राष्ट्रवादी काँग्रेसच्या अश्विनी दळवे यांचा विजय झाला आहे. त्यांनी शरद पवारांच्या राष्ट्रवादीच्या उमेदवराचा पराभव केला. भोसरी गटात दोन्ही राष्ट्रवादी काँग्रेसमध्ये जोरदार लढत झाली. पण अजित पवार यांच्या राष्ट्रवादी काँग्रेसच्या उमेदवाराने सहज विजय मिळवला. 

Pune ZP Election : अजित दादांच्या निधनानंतरची पहिलीच निवडणूक; पुणे जिल्हा परिषदेत राष्ट्रवादीची कसोटी, विजय मिळाला तरी पुढे काय?

महूद गटाचे शिवसेनेचे उमेदवार दादासो लवटे व गणाचे गणाचे शिवसेनेचे बाळासाहेब मच्छिंद्र बंडगर व महूद गणाचे शिवसेनेचे सोनाली पाटील विजयी झाले आहेत. तर करमाळा जिल्हा परिषद पांडे गटातून भाजपच्या नेत्या रश्मी बागल पिछाडीवर आहेत. तर शरद पवार गटाचे उमेदवार राणी संतोष वारे आघाडीवर आहेत. करकंब गटातून भाजपाचे आदिनाथ देशमुख ७०० मतांनी आघाडीवर आहेत.