New BMC Mayor 2026 : २५ वर्षांची ठाकरे सत्ता संपली; मुंबईचा नवा महापौर कधी निवडला जाणार? महत्त्वाची माहिती समोर

Mumbai : मुंबई महानगरपालिका निवडणुकीचा निकाल काल शुक्रवारी जाहीर झाला. भाजपने 89 जागा जिंकत सर्वात मोठा पक्ष होण्याचा पुन्हा एकदा मान मिळवला. तसेच मुंबई महानगरपालिकेवर गेल्या 25 वर्षांपासून असलेली शिवसेना आणि ठाकरेंच्या सत्तेला भाजप-शिंदे सेनेच्या युतीने सुरुंग लावला. यंदाच्या मुंबई महानगरपालिकेच्या निवडणुकीपूर्वी मुंबईचा महापौर कधी आणि कोण होणार? याची जोरदार चर्चा रंगली होती. ठाकरे बंधूंनी मुंबईचा महापौर हा मराठी व्यक्तीच असेल, असं जाहीर केलं होतं. त्यामुळे सुरुवातीला मुंबईचा महापौर हिंदू होणार, असं बोलणाऱ्या भाजपला नंतर नंतर महापौर मराठी व्यक्तीच होईल, हे स्पष्ट करावं लागलं. आता बृहन्मुंबई महानगरपालिकेचा महापौर कधी आणि कोण होणार? याची उत्सुकता सर्वांना लागली आहे. त्याचदरम्यान, मुंबईच्या महापौरबाबत एक महत्त्वाची अपडेट समोर आली आहे.

मुंबईचा महापौर कधी-कोण होणार?
मुंबईचा महापौर नेमका कधी आणि कोण होणार? यासाठी जानेवारी महिन्याच्या अखेरपर्यंत वाट पाहावी लागणार आहे. खात्रीलायक सूत्रांच्या माहितीनुसार, या महिन्याच्या म्हणजेच जानेवारी अखेरीस महापौर निवड होण्याची शक्यता आहे. पुढील आठवड्यात नगरविकास खाते महापौर पदासाठी सोडत काढणार आहे. महापौर सोडतीनंतर 10 दिवसांनी मुंबईचा महापौर निवडला जाईल, अशी माहिती सूत्रांनी दिली आहे.

Pune Election Results : पुण्यात शिंदे गटाला मोठा धक्का; शिवसेनेचा सर्व जागांवर पराभव, नेमकं काय चुकलं?

भाजपला शिंदेंचीच मदत
मुंबई महानगरपालिकेतील महापौर पदावर भाजपचा दावा आहे. मात्र, शिंदे सेनेच्या काही नेत्यांनीही महापौरपदावर दावा केला आहे. मुंबई महानगरपालिकेत बहुमत तथा सत्तास्थापन करण्यासाठी 114 जागांची गरज आहे. त्यामुळे भाजपला एकट्याला बहुमत सिद्ध करता येणार नाही. त्यामुळे त्यांना एकनाथ शिंदे गटाची मदत घ्यावीच लागणार आहे. त्यामुळे शिंदे गट महापौरपदासाठी अडून बसणार का? हे बघणं तितकच महत्त्वाचं असणार आहे.

'निवडणुका येतील जातील पण आपला...'
दरम्यान, गेल्या 25 वर्षांपासून ठाकरेंचा बालेकिल्ला असणाऱ्या मुंबई महानगरपालिकेचा गड भाजप-शिंदे गटाने काबीज केला. काल मुंबई महानगरपालिकेच्या निवडणुकीचा निकाल जाहीर झाला. यामध्ये भाजप 89 जागा जिंकत सर्वात मोठा पक्ष ठरला. तर ठाकरे गटाला 65 जागांवर समाधान मानावे लागले. हा निकाल पाहता भाजपने मुंबईत ठाकरे गटाला चीतपट केल्याचे दिसतं. याचदरम्यान, मनसे अध्यक्ष राज ठाकरे यांनी फेसबुकला पोस्ट करत निवडून आलेल्या सर्व नगरसेवकांचं अभिनंदन केलं आहे.