Beed Crime : भावकीत शेत जमिनीतून वाद; पुतण्यांच्या मारहाणीत काकाचा मृत्यू, तिघां विरोधात गुन्हा दाखल

Beed : भावकीत शेत जमिनीवरून वाद नेहमीच उद्भवत असतात. असाच भावकीत असलेला वाद उफाळून आला असता या वादातून पुण्याकडून काकाला मारहाण करण्यात आली. यात काकाचा मृत्यू झाल्याची धक्कादायक घटना आष्टी तालुक्यातील लोणी सय्यद मीर गावात समोर आली आहे. घटनेनंतर गावात तणाव असल्याने मयत व्यक्तीवर पोलीस बंदोबस्तात अंत्यसंस्कार करण्यात आले असून तीन जणांविरोधात गुन्हा दाखल करण्यात आला आहे.

बीड जिल्ह्यात दररोज गुन्हेगारीच्या घटना घडत आहेत. संतोष देशमुख हत्या प्रकरणानंतर बीड जिल्हा ढवळून निघाला असून कायदा आणि सुव्यवस्था बीडमध्ये राहिली आहे का? पोलिसांच्या खाकीचा धाक गुन्हेगारीत पार्श्वभूमीच्या लोकांवरती आहे का? असा प्रश्न देखील उपस्थित केला जात आहे. अशातच बीडच्या आष्टी तालुक्यातील कडा गावातील लोणीमध्ये शेत जमिनीच्या वादातून काकाला मारहाण करण्यात आल्याची घटना घडली आहे.

पुतणे व सुनांकडून मारहाण

आष्टी तालुक्यातील लोणी सय्यद मिरी येथील देवकर कुटुंबामध्ये अनेक दिवसापासून शेतातील बांधाच्या कारणावरून वाद होत होते. तसेच पाईपलाईनच्या कारणावरून धुसपुस सुरू होती. दरम्यान शनिवारी सायंकाळी घरासमोर सहा वाजता लहान मुले चेंडू खेळत असताना झालेल्या भांडणाचे रूपांतर हाणामारीत होऊन तीनही पुतणे व सुना अशा सहा जणांनी मिळून कोयता लोखंडी पाईपने केलेल्या मारहाणीत छबू देवकर (वय ७२) हे गंभीर जखमी झाले.

सहा जणांवर गुन्हा दाखल

या मारहाणीत गंभीर जखमी झालेल्या छबू देवकर यांचा अहिल्यानगर येथील रुग्णालयात उपचारादरम्यान मृत्यू झाला. तर वादामध्ये पडलेल्या छबू देवकर यांचा मुलगा मिठू देवकर आहे जखमी झाला आहे. याप्रकरणी अंभोरा पोलीस स्टेशनमध्ये सहा आरोपींच्या विरोधामध्ये गुन्हा दाखल करण्यात आला आहे. तर मृतावर पोलीस बंदोबस्तात अंत्यसंस्कार करण्यात आले.