Accident News : १० जणांना घेऊन जाणारी जीप १५० फूट खोल दरीत कोसळली, कसाऱ्यात भीषण अपघात

Accident News : कसाराहून खोडाळ्याच्या दिशेने जात असताना, एका जिपचा भीषण अपघात झाला आहे. प्रवाशांनी भरलेली जीप कसाराच्या मालगावातून खोडाळा येथे जात होती. त्यादरम्यान, वैतरणा पुलावरील लोखंडी कठड्याला धडक बसली. या धडकेत जीप वैतरणा धरणाच्या दरीत कोसळली. जीप दरीत कोसळल्यानं १० जण जखमी झाले असून, १० जण गंभीर जखमी असल्याची माहिती आहे.

वैतरणा धरणाच्या जलाशयातील दरीत जीप कोसळून एकाचा मृत्यू झाला आहे. तर १० जण गंभीर जखमी असल्याची माहिती आहे. प्रवाशांनी भरलेली जिप कसारा मालगावातून खोडाळा येथे जात होती. याच मार्गावरून जात असताना, जीपची वैतरणा नदीवरील पुलावरील लोखंडी कठड्याला धडक बसली. ही धडक इतकी जोरात बसली की जीप थेट १०० ते १५० हून अधिक उंचीवरून खाली कोसळली.

HMPV Virus : कुंभमेळ्यावर HMPVचं संकट; चिनी लोकांना थांबवा, साधुंकडून पंतप्रधान मोदींना पत्र

जीपमध्ये एकूण १० प्रवासी प्रवास करीत असल्याची माहिती आहे. तसेच एक कुटुंब कामानिमित्ताने खोडाळा येथे आपल्या नातेवाईकांकडे जात होते. या दरम्यान, वैतरणा नदीवर बांधण्यात आलेल्या पुलाजवळ जिप चालकाचा अचानक ताबा सुटला. जीप चालकाचा ताबा सुटल्यानं जिप थेट वैतरणा धरणाच्या जलाशयात खोल दरीत कोसळली.

घटना घडल्यानंतर ग्रामस्थांनी धाव घेत जीपमधील प्रवाशांना बाहेर काढण्याचा प्रयत्न केला. जिपमधून १० प्रवाशांना बाहेर काढण्यात ग्रामस्थांना यश आलं. ग्रामस्थांनी तातडीने जखमींना कसारा येथील खासगी रूग्णालयात दाखल केलं. त्यांच्यावर रूग्णालयात उपचार सुरू आहेत. मात्र उपचारानंतर एकाचा मृत्यू झाला असल्याची माहिती आहे.