Pune : नाचताना पुतण्याचा धक्का लागल्याचे निमित्त,टोळक्याकडून काकाला बेदम मारहाण

याप्रकरणी साहेबराव भीमराव ओरसे (वय ५२, रा. पीएमसी कॉलनी, जनवाडी) यांनी चतु:श्रृंगी पोलीस ठाण्यात फिर्याद दिली आहे. त्यानुसार पोलिसांनी मोहन जाधव, प्रतीक अलकुंटे आणि दोन साथीदार (सर्व रा. जनवाडी) यांच्यावर गुन्हा दाखल केला आहे. ही घटना जनवाडीतील पीएमसी कॉलनीमध्ये सोमवारी रात्री पावणेबारा वाजता घडली.

पोलिसांनी दिलेल्या माहितीनुसार, पीएमसी कॉलनीत गणपती मिरवणुकीत सर्व जण नाचत होते. यावेळी फिर्यादी यांचा पुतण्या यश ओरसे याचा धक्का लागला. या कारणावरुन त्यांच्यात वाद झाला. तेव्हा मोहन जाधव आणि  इतरांनी फिर्यादी सोबतचे सर्वांना शिवीगाळ केली. हाताने, लाथाबुक्क्यांनी मारहाण केली. मोहन जाधव याने त्या ठिकाणी पडलेला दगड घेऊन फिर्यादीच्या तोंडावर, डोळ्याजवळ मारुन जखमी केले. पोलीस उपनिरीक्षक कराडे तपास करीत आहेत.