Pune Tragedy : एकाच कुटुंबातील तिघांचा शॉक लागून मृत्यू; ती काही मिनिटं आणि पती-पत्नी, मुलासोबत घडलं भयंकर

Pune Tragedy : कामानिमित्ताने बाहेर गावाहून आलेल्या कुटुंबावर काळाने घाला घातला आहे. विजेचा धक्का लागून एकाच कुटुंबातील तीन जणांचा मृत्यू झाला. या घटनेत पती, पत्नी व त्यांच्या मुलगा मृत्यूमुखी पडले असून हि घटना दौड तालुक्यातील दापोडी येथे आज सकाळच्या सुमारास घडली आहे.

उत्तर सोलापूरचे मूळ रहिवाशी असलेले सुनील भालेकर हे कुटुंबासह कामाच्या निमित्ताने आले होते. दापोडी- केडगाव परिसरात बांधकाम क्षेत्रात सेंट्रिंगचे काम ते करत होते. सुनील देवीदास भालेकर (वय ४५), आदिका सुनील भालेकर (वय ४०) व परशुराम सुनील भालेकर (वय १७) तिघेही रा. दापोडी यांचा या घटनेत मृत्यू झाला आहे.

Pubs And Bar Entry Rules : मुंबई, पुण्यात बार-पब प्रवेशासाठी वयाचा पुरावा लागणार, काय आहे शासनाचा नवा नियम?

सुदैवाने मुलगी वाचली

सुनील भालेकर घरासमोर रुमाल वाळायला घालत असताना त्यांना विजेचा धक्का बसला. विजेचा धक्का लागल्याचे पाहून त्यांना वाचविण्यासाठी त्यांची पत्नी आदिका प्रयत्न करत होती. याच वेळी त्यांनाही विजेचा धक्का बसला. तर या दोघांना वाचवण्यासाठी मुलगा परशुरामने त्यांना ओढून वाचवायचा प्रयत्न करू लागला. मात्र त्यालाही विजेचा धक्का बसला. यात तिघांचाही मृत्यू झाला. तर त्यांची एक मुलगी शिकवणीसाठी बाहेर गेल्याने ती या दुर्घटनेतून वाचली आहे.