Delhi Fire Accident : दिल्लीत बेबी केअर सेंटला भीषण आग, ६ नवजात बालकांचा होरपळून मृत्यू,

Delhi Fire Accident : राजधानी दिल्लीतील विवेक विहार परिसरात असलेल्या एका बेबी केअर सेंटरला शनिवारी मध्यरात्रीच्या सुमारास भीषण आग लागली. बघता-बघता आगीने रौद्ररुप धारण करत संपूर्ण सेंटरला विळखा घातला. या आगीत ६ नवजात बालकांचा होरपळून मृत्यू झाला. तर अनेक बालकं जखमी झाली.

आगीची माहिती मिळताच अग्निशमन दलाचे जवान तातडीने घटनास्थळी हजर झाले. अथक प्रयत्नानंतर आग आटोक्यात आली. आतापर्यंत १२ बालकांची सुखरुप सुटका करण्यात आली आहे. यापैकी ५ बालकांची प्रकृती गंभीर आहे. त्यांच्यावर रुग्णालयात उपचार सुरू आहेत.

Maharashtra Politics : नितीन गडकरींच्या पराभवासाठी मोदी-शहा, देवेंद्र फडणवीसांचे प्रयत्न; 'सामना'मधून खळबळजनक दावा

‘एएनआय’ या वृत्तसंस्थेनेही याबाबत वृत्त दिले आहे. एनएनआयच्या वृत्तानुसार, दिल्लीतील विहार परिसरात एक बेबी केअर सेंटर आहे. या सेंटरमध्ये अनेक बालकांना उपचारासाठी दाखल करण्यात आलं होतं. शनिवारी रात्री ११ वाजेच्या सुमारास बेबी केअर सेंटरला अचानक आग लागली.

आग लागल्याचं कळताच कर्मचाऱ्यांनी आरडाओरड सुरू केली. क्षणार्धात आगीचा भडका उडाल्याने संपूर्ण बेबी केअर सेंटर आगीच्या विळख्यात सापडलं. कर्मचाऱ्यांनी जीव वाचवण्यासाठी बाहेर धाव घेतली. मात्र, या आगीत ६ नवजात बाळांचा होरपळून मृत्यू झाला. आगीची माहिती मिळताच अग्निशमन दलाच्या १६ गाड्या घटनास्थळी दाखल झाल्या.

जवानांनी जीवाची बाजी लावून १२ नवजात बालकांना बाहेर काढलं. यातील ५ बालके गंभीर जखमी आहेत. त्यांना उपचारासाठी रुग्णालयात दाखल करण्यात आलं आहे. आगीनंतर रुग्णालयातील डॉक्टर तसेच कर्मचारी पळून गेले आहेत. आगीचं कारण अद्याप अस्पष्ट असून पोलीस घटनेचा तपास करीत आहेत. बालकांचा होरपळून मृत्यू झाला.