NIA Attacked In Bengal :

NIA Attacked In Bengal : पश्चिम बंगालमध्ये एनआयएच्या पथकावर हल्ला झाल्याची घटना समोर आली आहे. छापा टाकण्यासाठी गेलेल्या टीमवरअज्ञातांनी हल्ला केला आहे. या हल्यात काही अधिकारी जखमी झाल्याची माहिती मिळत आहे. आपण या घटनेबद्दल सविस्तर जाणून घेऊ या.

पश्चिम बंगालमधील मिदनापूर जिल्ह्यातील भूपतीनगर बॉम्बस्फोट प्रकरणाचा तपास करणाऱ्या गेलेल्या एनआयए (नॅशनल इन्व्हेस्टिगेशन एजन्सी) टीमवर हल्ला झाल्याची माहिती समोर आली आहे. एनआयएची टीम सीएपीएफ (केंद्रीय सशस्त्र पोलीस दल) सोबत या प्रकरणात एका व्यक्तीला अटक करण्यासाठी गेली होती.

Bijapur Naxal Attack : छत्तीसगडमध्ये सुरक्षादलाच्या जवानांकडून ३ नक्षलवाद्यांचा खात्मा; आठवड्याभरात १६ जणांना कंठस्नान

यादरम्यान काही अज्ञातांनी त्यांच्यावर हल्ला केला. हल्लेखोरांनी एनआयए पथकावर दगडफेक करून कारच्या काचा फोडल्या. या हल्ल्यात दोन अधिकारी जखमी झाले आहेत. परंतु कोणीही गंभीर जखमी झाले नाही. 3 महिन्यांपूर्वी देखील संदेशखळी येथे अंमलबजावणी संचालनालयाच्या (ईडी) पथकावर हल्ला झाला होता.

मिळालेल्या माहितीनुसार, 2022 मध्ये तृणमूल काँग्रेस नेत्याच्या निवासस्थानी बॉम्बस्फोट झाला होता. या प्रकरणाची चौकशी करण्यासाठी NIA टीम आली होती. त्यानंतर हल्लेखोरांनी एनआयएच्या वाहनावर विटा आणि दगडफेक करण्यास सुरुवात केली. ही घटना आज (६ एप्रिल) पहाटे साडेपाचच्या सुमारास घडली.

हा बॉम्बस्फोट हल्ला 3 डिसेंबर 2022 रोजी झाला होता. यामध्ये 3 लोकांचा मृत्यू झाला होता. या प्रकरणी गेल्या महिन्यात एनआयएने टीएमसीच्या आठ नेत्यांना चौकशीसाठी समन्स पाठवले होते. यापूर्वीही या नेत्यांना हजर राहण्यास सांगितले होते, मात्र ते हजर झाले नाहीत. भाजपच्या इशाऱ्यावर एनआयए त्यांच्याविरोधात काम करत असल्याचा आरोप टीएमसी नेत्यांनी केला आहे.