Pune Crime News : आधी अत्याचार मग जेल, जामिनावर बाहेर आल्यावर आरोपीचं पीडितेसोबत भयंकर कृत्य

मिळालेल्या माहितीनुसार, पीडित तरुणी एका खासगी कंपनीत काम करते. लखन असं आरोपीचं नाव आहे. आरोपी आणि या तरुणीची गेल्या वर्षी विवाह संकेतस्थळावरून ओळख झाली होती. लग्नाचे आमिष दाखवून लखनने या तरुणीवर बलात्कार केला.

तसंच तिच्याकडून ८ लाख रुपयांचे दागिने घेतले. फसवणूक झाल्याचे लक्षात आल्यानंतर तरुणीने खडक पोलिसांकडे तक्रार दिली. पोलिसांनी लगेचच त्यांच्या मुसक्या आवळल्या.

नुकताच तो कारागृहातून जामिनावर बाहेर आला होता. त्याने पुन्हा या तरुणीचा पाठलाग सुरू केला आणि तिच्या नकळत तिच्या दुचाकीला 'जीपीएस' लावले व तिच्यावर पाळत ठेवण्यास सुरू केले. तसेच तिचा चोरून पाठलाग सुरू केला.

हा प्रकार तरुणीच्या लक्षात येताच तिने पोलीस ठाणे गाठले. गाडीवरील जीपीएस यंत्र काढण्यात आले असून त्यातील सिम कार्डचा तपास पोलीस करत आहेत.