Jalna Maratha Andolan : जालन्यातील प्रकरणावर सरकारकडून कारवाईला सुरुवात; जिल्ह्याचे एसपी तुषार दोषी सक्तीच्या रजेवर

Jalna Maratha Andolan : जालना जिल्ह्यातील अंतरवाली सराटी (ता. अंबड) येथे मराठा आंदोलकांवर पोलिसांनी केलेल्या लाठीमाराचे आज राज्याच्या विविध भागांमध्ये संतप्त पडसाद उमटले. मराठा समाजाच्या कार्यकर्त्यांनी ठिकठिकाणी रस्त्यांवर उतरून आंदोलन करत राज्य सरकारचा निषेध केला. जालना आणि धाराशिवमध्ये बंदला हिंसक वळण लागले. राज्य सरकारने लाठीमार करणाऱ्या दोषी पोलिसांवर कारवाई करण्याचे आश्वासन देतानाच जनतेला शांतता राखण्याचे आवाहन केले आहे.

त्यानंतर आता संपुर्ण घटनेची दखल गृहखात्याने घेतली आहे. जालना येथील अंतरवाली सराटी येथे मराठा आरक्षणासह अन्य मागण्यांसाठी सुरू असलेल्या आंदोलनाला शुक्रवारी संध्याकाळी हिंसक वळण लागल्यानंतर पोलीस अधीक्षक तुषार दोशी यांचे नाव चर्चेत आहे. त्यांना आता सक्तीच्या रजेवर पाठवण्यात आले आहे. गृह विभागाने ही कारवाई केली आहे.

जालना जिल्ह्यात झालेल्या संपुर्ण प्रकारानंतर आता सरकारने कारवाईला सुरुवात केली आहे. गृहमंत्रालयाकडून जालना जिल्ह्याचे एसपी यांना सक्तीच्या रजेवर पाठवण्याचा निर्णय घेण्यात आलेला आहे. जालना जिल्ह्याचे पोलीस अधीक्षक तुषार दोशी  यांच्यावर ही कारवाई करण्यात आली आहे. यासंबधीचे वृत्त एबीपी माझा या वृत्तवाहिनीने दिले आहे.

Beed News : मराठा समाजाला आरक्षण मिळणार नाही तोपर्यंत भाजपाला मतदान करणार नाही, बीडमधील ग्रामस्थ आक्रमक

१ सप्टेंबरला घडलेल्या घटनेचे पडसाद राज्यभरात आजही उमटत आहेत. राज्यभरातील एसटी बस, आणि इतर घटकांवरतीही याचा मोठा परिणाम झाला आहे. राज्याच्या अनेक भागात जिल्हा बंद, शहर बंदची हाक देण्यात आली आहे. उद्या (सोमवारी) देखील अनेक जिल्ह्यात बंदची हाक देण्यात आली आहे.

मराठी क्रांती संघटना, मराठी आंदोलक आक्रमक झाले आहे. काही मराठी कार्यकर्त्यांनी आपल्या गाड्या पेटवल्या आहेत. या संघटना आणि आंदोलकांना शांतता राखण्याचं आवाहन मुख्यमंत्री एकनाथ शिंदे यांनी केलं आहे.