Vashi Toll Naka : नवी मुंबईत टोलनाक्यावर राडा, चार प्रवाशांचा टोल न भरता जाण्याचा प्रयत्न; पुढे काय घडलं?

Vashi Toll Naka : नवी मुंबईतील वाशी टोलनाक्यावर मोठा राडा झाल्याची घटना आज अघडली आहे. येथे चार जणांच्या टोळक्याने टोल कर्मचारीला बेदम मारहाण केली आहे. हे चारही जण टोल न भरता जाण्याचा प्रयत्न जाण्याचा प्रयत्न करत होते. यावेळी कर्मचाऱ्याने त्यांना अडवलं असता, या टोळक्याने त्याला मारहाण केली आहे. ही संपूर्ण घटना टोकल्यावरील सीसीटीव्ही कॅमेरात कैद झाली आहे.

मिळालेल्या माहितीनुसार, ही घटना आज सांयकाळी पाच वाचता घडली आहे. य संपूर्ण राड्यानंतर वाशी पोलिसांनी या चारही जणांना ताब्यात घेतल्याची माहिती मिळत आहे. दरम्यान, या घटनेचा व्हिडिओ आता सोशल मीडियावर व्हायरल होत आहे. ज्यावर नेटकरी आपल्या वेगवेगळ्या प्रतिक्रिया देत आहेत.

Pune Flood: पुण्यासह पिंपरी चिंचवडला पुराचा धोका? शहरालगतच्या तीन धरणांमधून पाण्याचा विसर्ग; नागरिकांना अलर्ट राहण्याचं आवाह

समोर आलेल्या सीसीटीव्ही व्हिडिओत दिसत आहे की, या टोळक्यांची गाडी टोल नाक्यावर आली असता टोलनाका कर्मचाऱ्याने त्यांना टोलचे पैसे मागितले. मात्र या टोळक्याने टोल न भरता गाडी टोलनाक्यावरून पुढे घेऊन जाण्याचा प्रयत्न केला. यावेळी टोलनाका कर्मचाऱ्यांनी ही गाडी अडवली.

गाडी अडवल्यामुळे चिडलेल्या या चारही जणांनी गाडी बाजूला पार्क करत टोलनाक्यावरील कर्मचाऱ्याला मारहाण केली. ही संपूर्ण घटना कॅमेरात कैद झाल्यानंतर या चौघांविरोधात पोलिसात गुन्हा दाखल करण्यात आला. त्यानंतर पोलिसांनी या चारही जणांना ताब्यात घेतलं आहे.