सावधान! २६ आणि २७ जूनला छत्रपती संभाजीनगरमधील 'हे' मुख्य रस्ते राहणार बंद; वाहतुकीत मोठे बदल.

छत्रपती संभाजीनगर: शहरात दरवर्षी अत्यंत उत्साहात आणि शांततेत साजरा होणाऱ्या मोहरम सणाच्या पार्श्वभूमीवर, वाहतूक कोंडी टाळण्यासाठी आणि नागरिकांच्या सुरक्षेसाठी शहर वाहतूक शाखेने महत्त्वाचे निर्णय घेतले आहेत. २६ आणि २७ जून रोजी शहरात निघणाऱ्या मिरवणुका आणि क्रांती चौक येथे होणाऱ्या मुख्य मेळाव्याच्या (करबला) पार्श्वभूमीवर वाहतूक मार्गांमध्ये मोठे बदल करण्यात आले आहेत.

 

 

२६ जून: मिरवणुकीसाठी बंद असणारे मार्ग २६ जून रोजी सकाळी ६ वाजेपासून मिरवणूक संपेपर्यंत खालील मार्गांवरील सर्व प्रकारच्या वाहनांची ये-जा पूर्णपणे बंद राहील:

• महात्मा गांधी पुतळा ते मुख्य पोस्ट ऑफिस.

• गुलमंडी ते सिटी चौक पोलीस ठाणे.

२७ जून: मुख्य मेळाव्यासाठी (करबला) वाहतूक बदल २७ जून रोजी क्रांती चौक ते गोपाल टी या मार्गावर शहरातील सर्व ताबूत आणि पंजे जमा होऊन मुख्य मेळावा (करबला) आयोजित केला जातो. येथे भाविकांची मोठी गर्दी लक्षात घेता, सकाळी ६ वाजेपासून मेळावा संपेपर्यंत 'क्रांती चौक ते गोपाल टी' हा मार्ग सर्व वाहनांसाठी बंद असेल. या काळात वाहनधारकांना केवळ 'गोपाल टी ते क्रांती चौक' या एकमेव मार्गाने ये-जा करण्याची परवानगी देण्यात आली आहे.

वाहतूक पोलिसांनी नागरिकांना आणि वाहनधारकांना गैरसोय टाळण्यासाठी पर्यायी मार्गांचा वापर करण्याचे आणि सहकार्य करण्याचे आवाहन केले आहे.

 

सविस्तर वाचा, लिंक कमेंट मध्ये https://punenews24.in/