Thane Politics : ठाण्यात शिवसेना शिंदे गटाला मनसेचा जोरदार धक्का!; भिवंडीतील पदाधिकारी राज ठाकरेंच्या उपस्थितीत करणार प्रवेश

Thane Politics : लोकसभा निवडणूक तोंडावर महाराष्ट्र नवनिर्माण सेनेने शिवसेना ठाकरे गटाला जोरदार धक्का दिला आहे. भिवंडी लोकसभा मतदारसंघातील शिवसेना शिंदे गटाचे अनेक पदाधिकारी महाराष्ट्र नवनिर्माण सेनेमध्ये प्रवेश करणार आहे.

शिवसेना शिंदे गटाचे भिवंडी लोकसभेचे उपजिल्हाप्रमुख संतोष शिंदे हे महाराष्ट्र नवनिर्माण सेनेत प्रवेश करणार आहेत. त्यांच्या नेतृत्वाखाली भिवंडी लोकसभा मतदारसंघातील शहर प्रमुख महिला आघाडी, तालुका प्रमुख महिला आघाडी व शहापूरमधील इतर शिवसेना शिंदे गटाच्या पदाधिकाऱ्यांचा महाराष्ट्र नवनिर्माण सेनेमध्ये प्रवेश करणार आहेत. 

Mumbai Police Transfer : मुंबई पोलीस दलात मोठे फेरबदल; १६२ अधिकाऱ्यांच्या बदल्या

मनसे अध्यक्ष राज ठाकरे यांच्या उपस्थितीत मुंबईत हा पक्षप्रवेश होणार आहे. संतोष शिंदे हे शहापूर नगरपंचायतचे माजी नगराध्यक्ष होते. त्यामुळे येत्या काळात शहापूर तालुक्यात मनसेची ताकद वाढणार असल्याचे चित्र दिसत आहे.

संतोष शिंदे यांचा राजकीय प्रवास

शिवसेना सोडून राज ठाकरे यांनी मनसे पक्षाची स्थापना केली, त्यावेळी संतोष शिंदे हे मनसेचे शहापूर प्रमुख होते. त्यानंतर काही वर्षांनी त्यांनी भाजपमध्ये प्रवेश केला. नंतर ते उद्धव ठाकरे गटात गेले.

एकनाथ शिंदे यांनी शिवसेना सोडली तेव्हा ते शिंदे गटाचे ठाणे जिल्हा उपसंपर्क प्रमुख म्हणून त्यांच्यावर जबाबदारी होती. त्यानंतर आज त्यांनी मुंबई येथे जाऊन मनसे पक्ष प्रमुख राज ठाकरे यांच्या उपस्थितीत प्रवेश घेतला.