T20 World Cup: फलाटावर कार घुसवली, सिलेक्शन पॉलिटीक्सने भारत सोडला, आता टीम इंडियाला छळतोय हा बॉलर

प्रत्येक ICC स्पर्धांमध्ये काही खेळाडू आपली स्वतंत्र छाप पाडतात. खास करुन ज्यावेळी स्थानिक टीमच्या बाततीत चर्चा होते तेव्हा असे जास्त वेळा होते. कारण हे खेळाडू सर्वसामान्य क्रिकेट चाहत्यांना माहिती नसतात.टी -20 वर्ल्ड कप 2026 ची कहानी सुद्धा काही वेगळी नाही.भारत आणि अमेरिकेच्या मॅचमध्ये असे दिसले. एकीकडे जलद गोलंदाज शॅडली व्हॅन शॅल्कविक हा 4 विकेट्स घेऊन सर्वाधिक चर्चेत आला. तर दुसरीकडे स्पिनर हरमीत सिंह यानेही कमाल दाखविली. शॅडली व्हॅन शॅल्कविक याची तर चर्चा सुरुच आहे, परंतू स्पिनर हरमीत सिंह याची कहाणी काय कमी मजेदार नाही.

भारतीय फलंदाजांना हरमीतने चकवले

मुंबईतील वानखेडे स्टेडियममध्ये टी -20 वर्ल्ड कप 2026 च्या पहिल्या दिवशी भारत आणि अमेरिकेची टक्कर झाली. ज्यात अमेरिकन गोलंदाजांचा चांगला खेळ पाहायला मिळाला. भारतीय टीमने केवळ 77 धावा असतानाच 6 विकेट गमावल्या होत्या. यात जलद गोलंदाज शॅडली व्हॅन शॅल्कविक याने 4 विकेट घेतल्या, परंतू एक मोठी विकेट हरमीतने घेतली. या डावखुऱ्या स्पिनरने हार्दिक पंड्याला आऊट केले. काही वेळानंतर अक्षर पटेल याची विकेट घेतली, याप्रकारे चार ओव्हरमध्ये केवळ 26 धावा देऊन 2 विकेट हरमीतने घेत चाहत्यांना प्रभावित केले. या कामगिरीने 33 वर्षीय भारतीय वंशाचा हा स्पिनर हरमीत पुन्हा एकदा प्रसिद्धीच्या झोतात आला आहे.

अमेरिकन टीमच्या बहुतांशी खेळाडूंप्रमाणे हरमीत देखील आधी भारतीय क्रिकेटचा भाग होते. त्यांनी त्रिपुरा आणि मुंबईच्या स्थानिक क्रिकेट स्पर्धा गाजवल्या होत्या. नंतर अन्य खेळांडू प्रमाणे चांगल्या संधीसाठी ते अमेरिकेत गेले. अमेरिकेत पोहचल्यानंतर अमेरिकन क्रिकेट टीमसाठी ते वनडे आणि टी20 सातत्याने खेळत आहेत. आणि चांगली कामगिरी करत आहेत. त्यांनी 22 वनडे मॅचमध्ये 31 विकेट घेण्यासह 325 धावाही केल्या होत्या. तसेच 26 टी -20 मॅचमध्ये 26 विकेट आणि 235 धावा त्यांच्या खात्यात आहेत.

मुंबईत झाली होती अटक

भारताच्या विरुद्ध क्रिकेट खेळताना चमकलेला हरमीत हा अमेरिकेला जाण्याआधी वेगळ्याच कारणासाठी चर्चेत आला होता. त्याचे कारणही वेगळेच होते. याचा संबंध मुंबईतील अंधेरी स्थानकाशी आहे. यावेळी ते मुंबई पाहुणे म्हणून आले होते. साल 2017 मध्ये हरमीत मुंबईत क्रिकेट खेळत होते. फेब्रुवारीचा महिना होता. एका सकाळी सुमारे सात वाजता मुंबईकर लोकल पकडण्याच्या घाईगडबडीत असताना हरमीत याने स्वत:ची कार थेट अंधेरी स्थानकाच्या प्लॅटफॉर्मवर नेऊन पोलिसांची झोप उडवली होती.

येथे पाहा पोस्ट –

Cricket journeys aren’t always straight lines.

Current USA player Harmeet Singh, former Ranji & India U19 cricketer, once accidentally drove his car onto the Andheri railway platform in Mumbai, one of the strangest off-field moments ever. pic.twitter.com/bOd3Fs7CK3

— ~ U D I T ~ (@Merovaeous) February 7, 2026

सकाळच्या पिक अवर असताना अंधेरी सारख्या सर्वाधिक गर्दी असणाऱ्या स्थानकात एक कार अचानक प्लॅटफॉर्म घुसलेली पाहून प्रवासी घाबरले. त्यामुळे सर्वत्र खळबळ उडाली आणि पोलिसांनी या क्रिकेटरला अटक केली. त्याने आपण गैरसमजुतीने चुकीच्या रस्ता पकडल्याने प्लॅटफॉर्मवर घुसल्याचे त्याने मान्य केले. त्यानंत त्याला जामीन मिळाला. मात्र, या बातमीने मुंबईत खळबळ उडाली आहे.