Satara : सातारा-महाबळेश्वर रोडवर भीषण अपघात; भरधाव कार वेण्णा नदीत कोसळली, एकाच कुटुंबातील चौघे गंभीर जखमी

Satara : सातारा जिल्ह्यातून भीषण अपघाताची घटना समोर आली आहे. सातारा-महाबळेश्वर रोडवरील वेण्णा नदीपात्रात कार कोसळली आहे. या घटनेत एकाच कुटुंबातील चौघे गंभीर जखमी झाले आहेत. जखमींना उपचारासाठी रुग्णालयात दाखल करण्यात आलं आहे. काहींची प्रकृती चिंताजनक असल्याचं सांगितलं जातंय.

ही घटना आंबेघर गावच्या हद्दीत मंगळवारी रात्री साडेदहा वाजेच्या सुमारास घडली. जखमींची नावे अद्याप समोर आलेली नाही. चालकाचे नियंत्रण सुटल्याने कार पुलाचा कठडा तोडून नदीत कोसळली असावी, असा प्राथामिक अंदाज आहे.

Ladki Bahin Yojana : लाडक्या बहिणीनेच अनेक महिलांना फसवलं, योजनेच्या नावाखाली गरीबांकडून उकळले पैसे; पोलिसांत गुन्हा

सातारा महाबळेश्वर रोडवर रात्री दहा वाजता आंबेघर गावच्या हद्दीत हा भीषण अपघात झालाय. यावेळी पुलावरून सातारच्या दिशेने येणारी कार पुलाचा कठडा तोडून थेट वेण्णा नदीमध्ये कोसळली. या घटनेत गाडीतील चार प्रवासी गंभीर जखमी झाल्याची माहिती मिळतेय. भरधाव कार वेण्णा नदीत कोसळल्याचं समोर आलंय.