Samruddhi Mahamarg : समृद्धी महामार्गावर १० दिवस वाहतूक निर्बंध; मुंबई-नागपूरकडे जाणाऱ्या वाहनांना फटका, कधी आणि कोणते मार्ग राहणार बंद?

Mumbai : मुंबई-नागपूर समृद्धी महामार्गावर प्रवास करणाऱ्यांसाठी एक महत्त्वाची बातमी आहे. महाराष्ट्र राज्य रस्ते विकास महामंडळाने ( MSRDC ) 9 फेब्रुवारी ते 18 फेब्रुवारी या कालावधीत बुलढाणा आणि जालना जिल्ह्यांमध्ये महामार्गावर ब्लॉक घेण्याची घोषणा केली आहे. या ब्लॉक दरम्यान, हायवे ट्रॅफिक मॅनेजमेंट सिस्टम (HTMS) अंतर्गत गॅन्ट्री उभारण्याचे काम नऊ टप्प्यांत केले जाईल. हे काम पूर्ण होईपर्यंत, बुलढाणा जिल्ह्यातील लोणार, सिंदखेडराजा, देऊळगावराजा आणि जालना जिल्ह्यातील जालना तालुक्यातून जाणाऱ्या मुंबई आणि नागपूर दोन्ही मार्गांवर साधारण एक तासासाठी वाहतूक थांबवण्यात येईल. यामुळे प्रवाशांना तासभर थांबून राहावे लागेल. काम पूर्ण झाल्यावर वाहतूक पुन्हा पूर्ववत केली जाईल.

कधी-कोणते मार्ग राहणार बंद?
9 फेब्रुवारी रोजी महामार्गावरील इतका भाग बंद राहील: किमी 305.750 – मुंबईकडे जाणारी मार्गिका: दुपारी 12 ते 1
किमी 308.700 – मुंबईकडे जाणारी मार्गिका: दुपारी 12 ते 1
किमी 308.700 – नागपूरकडे जाणारी मार्गिका: दुपारी 3 ते 4

Pune : शेअर ट्रेडिंगमध्ये सव्वा कोटींचा फटका; पुण्यात तिघांची मोठी फसवणूक, नेमकं काय घडलं?

10 फेब्रुवारी
किमी 314.250 – मुंबईकडे जाणारी मार्गिका: दुपारी 12 ते 1
किमी 318.500 – मुंबईकडे जाणारी मार्गिका: दुपारी 12ते 1

11 फेब्रुवारी
किमी 318.500 – नागपूरकडे जाणारी मार्गिका: दुपारी 3 ते 4
किमी 329.200 – नागपूरकडे जाणारी मार्गिका: दुपारी 3ते 4

एमएसआरडीसीने प्रवाशांना प्रवासात एक तासापर्यंत विलंब होण्याची शक्यता लक्षात घेऊन, आपल्या प्रवासाचे निघण्यापूर्वीच नियोजन करण्याचे आणि आवश्यक असल्यास, जागेवरील फलक किंवा सूचनांनुसार पर्यायी मार्गांचा वापर करण्याचे आवाहन केले आहे.