पुणे: शहर आणि जिल्ह्यातील वाढत्या वाहतुकीची कोंडी सोडवण्यासाठी आणि शहराबाहेरून अवजड वाहनांची वाहतूक वळवण्यासाठी 'पुणे रिंगरोड' (वर्तुळाकार रस्ता) हा महत्त्वाकांक्षी प्रकल्प राबवला जात आहे. राज्याचे दिवंगत उपमुख्यमंत्री अजित पवार यांनी या प्रकल्पासाठी सातत्याने पाठपुरावा केला होता आणि त्यांच्या विशेष प्रयत्नांमुळेच हा प्रकल्प प्रत्यक्षात उतरण्याचा मार्ग मोकळा झाला होता. आता या प्रकल्पाचे काम वेगाने सुरू असतानाच राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांनी या 'पुणे रिंगरोड'ला दिवंगत अजित पवार यांचे नाव देण्याची आग्रही मागणी करत राज्य सरकारला राजकीयदृष्ट्या कोंडीत पकडले आहे. यासंदर्भात सरकारने तातडीने निर्णय न घेतल्यास अजित पवार यांच्या पुण्यतिथीच्या दिवशी मोठे आंदोलन उभारण्याचा इशाराही त्यांनी दिला आहे, ज्यामुळे राज्याच्या राजकारणात रिंगरोडच्या नामांतराचा मुद्दा चांगलाच तापला आहे.
पुणे शहरातील वाहतुकीचा प्रश्न कायमस्वरूपी निकाली काढण्यासाठी १९९७ मध्ये प्रादेशिक योजनेत पुणे रिंगरोडचा प्रकल्प सर्वप्रथम प्रस्तावित करण्यात आला होता. मात्र, जवळपास ३० वर्षे उलटूनही तांत्रिक आणि प्रशासकीय अडचणींमुळे हा प्रकल्प अस्तित्वात येऊ शकला नव्हता. अजित पवार यांनी उपमुख्यमंत्री आणि पुणे जिल्ह्याचे पालकमंत्री असताना या प्रकल्पासाठी सातत्याने पाठपुरावा केला, ज्यामुळे प्रकल्पाला अंतिम मान्यता मिळाली. प्रकल्प लवकरात लवकर मार्गी लागावा यासाठी अजित पवार स्वतः नियमितपणे आढावा बैठका घेत असत. आता या प्रकल्पाच्या कामाचे टप्पे वेगाने पुढे सरकत असताना त्याच्या नामकरणावरून राजकीय चर्चा सुरू झाली आहे.
आमदार रोहित पवार यांनी यापूर्वीच मुख्यमंत्री देवेंद्र फडणवीस यांना या मागणीचे निवेदन दिले असून विधिमंडळाच्या अधिवेशनातही हा विषय लावून धरला होता. नुकतेच पुणे जिल्हा परिषदेच्या यशवंतराव चव्हाण सभागृहात उभारण्यात आलेल्या अजित पवार यांच्या अर्धाकृती पुतळ्याचे अनावरण केंद्रीय गृहमंत्री अमित शाह यांच्या हस्ते पार पडले, तसेच जिल्हा परिषदेच्या प्रवेशद्वाराचे 'अजितदादा पवार प्रवेशद्वार' असे नामकरण करण्यात आले आहे. या पार्श्वभूमीवर रोहित पवार यांनी समाजमाध्यमांवर पोस्ट करत रिंगरोडच्या नामांतराच्या मागणीचा पुनरुच्चार केला आहे. "अजितदादांचे महाराष्ट्राच्या व पुणे जिल्ह्याच्या विकासातील योगदान हे अत्यंत अमूल्य होते. दादा सुमारे दशकभराहून अधिक काळ पुणे जिल्ह्याचे पालकमंत्री होते. असे असताना दादांचे नाव एखाद्या मोठ्या विकास प्रकल्पाला देऊ नये, अशी काही व्यक्तींची भूमिका आहे का?" असा थेट सवाल रोहित पवार यांनी उपस्थित केला आहे. तसेच, सत्तेत मंत्रीपद भूषवणारे नेते या मागणीसाठी पुढाकार का घेत नाहीत, असा टोलाही त्यांनी लगावला आहे. केवळ पुतळा उभारणे पुरेसे नसून रिंगरोडला त्यांचे नाव द्यावे, अन्यथा पुण्यतिथीच्या दिवशी रस्त्यावर उतरून तीव्र आंदोलन केले जाईल, असा इशारा त्यांनी दिल्याने राज्य सरकारपुढे मोठा पेच निर्माण झाला आहे.
'पुणे रिंगरोड' प्रकल्पाची सद्यस्थिती आणि वैशिष्ट्ये: पुणे रिंगरोडच्या उभारणीची मुख्य जबाबदारी महाराष्ट्र राज्य रस्ते विकास महामंडळाकडे (MSRDC) सोपवण्यात आली आहे. हा महाकाय प्रकल्प सुमारे १६८ किलोमीटर लांबीचा असून या मार्गाची रुंदी ११० मीटर इतकी भव्य असणार आहे. या संपूर्ण प्रकल्पासाठी ५५ हजार कोटी रुपयांहून अधिक खर्च अपेक्षित आहे. नियोजनानुसार या प्रकल्पाचे काम एकूण १२ टप्प्यांत केले जाणार आहे. सुरुवातीला यातील ९ टप्प्यांचे काम एमएसआरडीसी आणि उर्वरित ३ टप्प्यांचे काम राष्ट्रीय महामार्ग प्राधिकरण (NHAI) करणार होते; परंतु एनएचएआयकडून कामाला विलंब होत असल्याचे निदर्शनास आल्यानंतर संपूर्ण प्रकल्प एमएसआरडीसीमार्फतच पूर्ण करण्याचा निर्णय घेण्यात आला आहे. सध्या या प्रकल्पासाठी भूसंपादनाची प्रक्रिया वेगाने सुरू आहे. यापूर्वी ३९.७० किलोमीटर मार्गाची जबाबदारी एमएसआरडीसीकडे, तर ८३.१२ किलोमीटर मार्गाची जबाबदारी पुणे महानगर प्रदेश विकास प्राधिकरणाकडे (PMRDA) देण्यात आली होती. हा वर्तुळाकार मार्ग नाशिक महामार्गापासून सुरू होऊन परंदवडी इंटरचेंजपर्यंत जाणार असून, या माध्यमातून अहिल्यानगर, सोलापूर आणि सातारा हे प्रमुख राष्ट्रीय व राज्य महामार्ग एकमेकांशी जोडले जाणार आहेत.
शहर
- मुंबई: सोनिया गांधींच्या पुस्तकाच्या निषेधाचा प्रताप अंगलट! पुस्तकासोबत शिवसेनाप्रमुख बाळासाहेब ठाकरेंचा फोटोही फाडल्याने शिंदेसेना वादाच्या भोवऱ्यात!
- ठाणे: कौशल्य मेडीकल फाऊंडेशनने केला अटी आणि शर्तींचा भंग; ठाणे महासभेत भाजपाचे गंभीर आरोप, महापौरानी दिले चौकशीचे आदेश!
- पुणे: एम. ए. रंगूनवाला डेंटल कॉलेजच्या २५ वर्षांच्या गौरवशाली प्रवासाचा रौप्यमहोत्सव; भव्य मॅग्निफिकेशन मास्टरक्लासने झाली सोहळ्याची शानदार सुरुवात!
- पुणे: आईचा विनयभंग केल्याचा बदला; तरुणाने रस्त्यात गाठून केली ३१ वर्षीय व्यक्तीची निर्घृण हत्या, दौंड तालुक्यातील घटना!
महाराष्ट्र
- मुंबई: सोनिया गांधींच्या पुस्तकाच्या निषेधाचा प्रताप अंगलट! पुस्तकासोबत शिवसेनाप्रमुख बाळासाहेब ठाकरेंचा फोटोही फाडल्याने शिंदेसेना वादाच्या भोवऱ्यात!
- नांदेड: शक्तिपीठला एक इंचही जमीन देणार नाही! नांदेडमधील नेवरवाडीत शेतकऱ्यांनी मोजणी पथकाला घेतले धारेवर, रस्त्यावर ठिय्या देत मोजणी हाणून पाडली!
- सांगली: ५९२ कोटींच्या प्रकल्पाला भाजप-राष्ट्रवादीकडून खो; महापौरांचे आरोप चुकीचे असल्याचा शिंदेसेनेचा गंभीर दावा!
- ठाणे: कौशल्य मेडीकल फाऊंडेशनने केला अटी आणि शर्तींचा भंग; ठाणे महासभेत भाजपाचे गंभीर आरोप, महापौरानी दिले चौकशीचे आदेश!
गुन्हा
- गोंदिया: उदमांजर शिकारप्रकरणी सहा जण जेरबंद; गोंदिया वनविभागाची धडक कारवाई, कामठा परिसरातील घटना
- कोल्हापूर: पुणे रेल्वे प्रवासादरम्यान धक्कादायक घटना हातकणंगलेत रेल्वेखाली सापडून विवाहितेचा संशयास्पद मृत्यू; आत्महत्या की घातपात? चर्चांना उधाण
- पुणे: आळंदीत दिवसाढवळ्या थरारक रक्तपात! जुन्या वादातून पीसीएमटी चौकात रिक्षाचालकावर खंजीराने जीवघेणा हल्ला; परिसरात एकच दहशत
- धाराशिव: मोबाईलसाठी पैसे दिले नाही म्हणून जन्मदात्या वडिलांची झोपेतच हत्या; पोटच्या मुलाच्या कृत्याने धाराशिव हादरले!
राजकीय
- नवी दिल्ली: धावत्या कारमध्ये सीएनजीचा भीषण स्फोट; २ आमदारांसह ६ जण जखमी!
- पुणे: लग्नाचं आमिष दाखवून फसवणूक केल्याचा आरोप करत महिलेचा सर्वसाधारण सभेत आत्मदहनाचा प्रयत्न
- मुंबई: 'आंबा चोरला म्हणून फाशी नसते, नीट पेपरफुटीवर चंद्रकांत पाटलांचं वादग्रस्त वक्तव्य; मूल गमावलेल्या आईला लेकरू कुठल्या बाजारातून आणाल? काँग्रेस-मनसेचा संताप'
- नवी दिल्ली: पंतप्रधान मोदींचं सीजेपी आंदोलनावर मोठं भाष्य, 'युवकांच्या भविष्याशी खेळणाऱ्यांना सोडणार नाही, कठोर कारवाईचा इशारा!'
इतर
- आजचे राशिभविष्य १७ नोव्हेंबर २०२६: सूर्य आणि मंगळ करणार राजयोग निर्माण, या राशींचे नशीब फळफळणार!
- आजचे राशिभविष्य १४ नोव्हेंबर २०२६: बुधादित्य योग आणि शनिकृपेमुळे या राशींचे नशीब उजळणार, जाणून घ्या काय सांगते तुमचे भविष्य!
- आजचे राशिभविष्य १३ नोव्हेंबर २०२६: जाणून घ्या तुमचे आजचे ग्रहमान आणि भविष्य!
- आजचे राशिभविष्य १२ नोव्हेंबर २०२६: गुरु बनवणार पॉवरफुल योगाचा संयोग, या राशींच्या हातात खेळणार पैसा!
मनोरंजन
- 'ईथा' चित्रपटावरून नवा वाद; विठाबाई नारायणगावकर यांच्या कुटुंबीयांचा तीव्र आक्षेप
- ओटीटीवर दाखल झाला 'खालिद के शिवाजी'; छत्रपती शिवाजी महाराजांच्या विचारांचा अनोखा प्रवास आता घरबसल्या अनुभवता येणार!
- मनोरंजन: दिलजीत चा चित्रपट वादाच्या भोवऱ्यात,काय आहे कारण ?
- मराठी हॉरर -कॉमेडी चित्रपट 'भूतम भयम्'!! अभिनेत्री छाया कदम यांचा भीतिदायक लूक समोर
विडियो गॅलेरी

देश विदेश
- गोवा: लोकशाहीच्या रक्षणासाठी भाजपने पणजीत काढली 'लोकशाही बचाव' पदयात्रा!
- उत्तर प्रदेश: लग्नापूर्वीच तिरंग्यात परतला अलीगढ़चा शिपाई; नायक करन चौधरी यांच्या अंगावर काटा आणणारी बलिदान गाथा
- गोंदिया: उदमांजर शिकारप्रकरणी सहा जण जेरबंद; गोंदिया वनविभागाची धडक कारवाई, कामठा परिसरातील घटना
- गोवा: शरीरात रक्ताचा शेवटचा थेंब असेपर्यंत लोकहिताचे काम करत राहणार आरोग्यमंत्री विश्वजित राणे यांची गोवा येथे गर्जना



























Subscribe to my channel



