Pune : नवले पुलावर अपघातांची मालिका सुरूच! पहाटे स्कूल बसची कारला जोरदार धडक, परिसरात खळबळ

Pune : नवले पुलावर अपघाताची मालिका सुरुच आहे. याठिकाणी आज पुन्हा एकदा अपघात घडला आहे. यावेळी स्कूल बसने कारने धडक दिली आहे. नवले पुलावरील ब्लॅक स्पॉटवर हा अपघात घडला असून या अपघातात दोघे जण जखमी झाल्याची माहिती आहे. जखमींना उपचाराकरिता रुग्णालयात दाखल करण्यात आलं आहे. या अपघातामुळे वाहतूक कोंडीही बघायला मिळली आहे.

पुण्यातील नवले पुलावर सातत्याने अपघाताच्या घटना घडत आहेत. गेल्या महिन्यात १३ नोव्हेंबर रोजी नवले पुलावर भीषण अपघात घडला होता. या अपघातात आठ जणांचा मृत्यू झाला होता. तर अनेक जण जखमी झाले होते. त्यानंतर चार दिवसांनी नवले पुल परिसरात आणखी एक अपघाताची घटना घडली होती. यावेळी भुमकर पुलावर चार ते पाच गाड्या एकमेकांना भिडल्या होत्या. यात ३ गाड्याचं नुकासान झालं होतं.

Pune : मुंढवा जमीन घोटाळा—मुख्य आरोपींपैकी आणखी एक जाळ्यात, तपासाला वेग

अशातच आज पहाटे पुन्हा एकदा नवले पुरावर अपघाताची घटना घडली आहे. यावेळी एका स्कूलबसने कारला धडक दिल्याची माहिती आहे. यात कारचा मागचा भाग पूर्णपणे चेंदामेंदा झाला आहे. तर स्कूलबसच्या बोनेटचं नुकसान झालं आहे. सुदैवाने यात कोणतीही हानी झालेली नाही. मात्र, यात दोघे जण जखमी झाले आहेत. त्यांना रुग्णालयात दाखल करण्यात आलं आहे. यावेळी पुलावर मोठी वाहतूककोंडीही बघायला मिळाली. वाहतूक पोलिसांनी घटनास्थळी दाखल होत वाहतूक सुरळीत केली.

दरम्यान, नवले पूल येथील अपघाताच्या पार्श्वभूमीवर खासदार मुरलीधर मोहोळ यांनी काही दिवसांपूर्वी राष्ट्रीय महामार्ग प्राधिकरण, पुणे महापालिका, पोलीस, आरटोओ, पीएमआरडीए यासह अन्य विभागाच्या अधिकाऱ्यांची बैठक घेतली. यात नवले पूल परिसरातील अपघातांना आळा घालण्यासाठी कायमस्वरूपी उपाययोजनांसह अल्पकालीन उपाययोजना त्वरित करण्यात याव्यात, अशा सुचना त्यांनी केल्या. या कामांचा आढावा घेण्यासाठी डिसेंबरच्या दुसऱ्या किंवा तिसऱ्या आठवड्यात पुन्हा बैठक घेतली जाणार आहे.