Pune : मुंढवा जमीन घोटाळा—मुख्य आरोपींपैकी आणखी एक जाळ्यात, तपासाला वेग

Pune : मुंढवा येथील जमीन व्यवहार गैरव्यवहार प्रकरणात पुणे पोलिसांनी कारवाईचा धडाका लावला आहे. पुणे पोलिसांनी काही दिवसांपूर्वी मुख्य आरोपी शीतल तेजवानीला अटक केली. तेजवानी ही या प्रकरणातील पॉवर ऑफ अटॉर्नी असल्याचे पोलीस तपासांत समोर आलं आहे. याच प्रकरणात पुणे पोलिसांनी आणखी एक मोठी कारवाई केली आहे.

मुंढवा परिसरातील जमिनीच्या खरेदी-विक्रीत गंभीर अनियमितता झाल्याचा आरोप करण्यात आला आहे. या व्यवहारात तेजवानी मुख्य सूत्रधार असल्याची माहिती तपास यंत्रणांनी दिलीये. काही दिवसांपूर्वीच हा गैरप्रकार समोर आला, त्यानंतर कठोर कारवाईची मागणी करण्यात येत होती.

Nagpur : हिवाळ्यात नागपूरमध्ये राजकीय तापमान वाढणार; विरोधक सरकारला घेरण्यासाठी सज्ज—कोणते मुद्दे ठरणार गाजवे?

या जमीन व्यवहार गैरव्यवहारामुळे महाराष्ट्रात एकच खळबळ उडाली होती. या प्रकरणाचा पुढील तपास पुणे पोलिसांनी जलदगतीने तपास सुरू केला आहे. आता या प्रकरणात मुद्राक दुय्यम निबंधक अधिकारी रवींद्र तारु यांना अटक करण्यात आली आहे.

तारू यांच्यावर काय आहे आरोप?
रवींद्र तारू हे मुंढवा अमेडिया जमीन खरेदी खत व्यवहारातील मुख्य आरोपी पैकी एक आहेत. बावधन पोलिसांनी ही कारवाई केली आहे. तारु यांच्यावर शासकीय जमीन गैरव्यवहार प्रकरणात त्यांनी नियम डावलून काम करणे, शासनाचा महसूल बुडवण्याचा आरोप आहे. रवींद्र तारु हे बावधनमधील हवेली 4 मध्ये सह दुय्यम निबंधक म्हणून फेबुवारी 2023 पासून कार्यरत आहेत.
तेजवानीचा ताबा आता पिंपरी-चिंचवड पोलीस घेणार
बावधन पोलीस ठाण्यात दाखल असलेल्या गुन्ह्यात आता शीतल तेजवानीला अटक होणार आहे. पिंपरी-चिंचवड पोलिस घेणार शीतल तेजवानीचा ताबा घेणार आहे. पिंपरी-चिंचवड पोलिसांनी प्रोडक्शन वॉरंट न्यायालयाला सादर केलं.