Pimpri : पुणे-नाशिक महामार्गावर ‘मिसिंग लिंक’चा प्रश्न सुटणार; चाकण-तळेगाव-शिक्रापूर मार्ग होणार कोंडीमुक्त

Pimpri : पुणे-नाशिक महामार्गावरील चाकणची वाहतूक कोंडी फोडण्यासाठी पुणे महानगर प्रदेश विकास प्राधिकरणाने (पीएमआरडीए) या परिसरात चार मिसिंग लिंक तयार करण्याचे काम हाती घेतले आहे. या कामासाठी एकूण २६१ कोटी रुपयांचा खर्च प्रस्तावित असून, या मार्गांमुळे चाकण-तळेगाव चौक, तळेगाव आणि शिक्रापूर रस्त्यावरील वाहतूक कोंडी सुटण्यास मदत होणार आहे.

पुणे-नाशिक महामार्गावर गेल्या अनेक वर्षांपासून वाहतूक कोंडीची मोठी समस्या आहे. सकाळी आणि संध्याकाळच्या वेळेत किमान दीड ते दोन तास अनेकांना चाकण चौकातील वाहतूक कोंडीत अडकून पडावे लागते. वाहतूक पोलिस, स्थानिक प्रशासनाने आपआपल्या पद्धतीने वाहतूक कोंडी सोडविण्यासाठी विविध उपाययोजना केल्या आहेत. यामध्ये अवजड वाहनांना सकाळी आणि संध्याकाळी महामार्गावर येऊ न देणे, चौकातील अतिक्रमणे काढणे, रिक्षा स्टँड, बस स्थानक हलविणे अशा अनेक गोष्टींचा समावेश आहे. मात्र, वाहतूक कोंडी सुटली नाही. चाकणमधील तळेगाव चौक, आंबेठाण चौक, आळंदी फाटा चौकात मोठ्या प्रमाणात वाहतूक कोंडी होते. ही कोंडी सोडविण्यासाठी राज्य सरकारने उन्नत मार्ग करण्याचा निर्णय घेतला आहे.

मात्र, हा मार्ग होण्यासाठी काही वर्षांचा अवधी आहे. तो पर्यंत येथील वाहतूक कोंडीतून सुटका होण्यासाठी ‘पीएमआरडीए’ने चार मिसिंग लिंक तयार करण्याचे काम हाती घेतले आहे. या चारही लिंकच्या मार्गांवर आरक्षण टाकण्यात आले असून, येथील भूसंपादनासाठी प्रयत्न सुरू आहेत. या मार्गांमध्ये येणारी सर्व अनधिकृत बांधकामे काढण्यात येणार आहे. भूसंपदनाचे काम झाल्यानंतर एका वर्षांत मिसिंग लिंकचे काम पूर्ण करण्यात येणार आहे.

मात्र, हा मार्ग होण्यासाठी काही वर्षांचा अवधी आहे. तो पर्यंत येथील वाहतूक कोंडीतून सुटका होण्यासाठी ‘पीएमआरडीए’ने चार मिसिंग लिंक तयार करण्याचे काम हाती घेतले आहे. या चारही लिंकच्या मार्गांवर आरक्षण टाकण्यात आले असून, येथील भूसंपादनासाठी प्रयत्न सुरू आहेत. या मार्गांमध्ये येणारी सर्व अनधिकृत बांधकामे काढण्यात येणार आहे. भूसंपदनाचे काम झाल्यानंतर एका वर्षांत मिसिंग लिंकचे काम पूर्ण करण्यात येणार आहे.

या आहेत मिसिंग लिंक....
तळेगाव चाकण महामार्ग ५५, हिंगणे चौक ते चाकण औद्योगिक वसाहत टप्पा तीन येथे फोक्सवॅगन कंपनी खराबवाडीला जोडणारा रस्ता (लांबी -९०० मीटर, रुंदी - ३० मीटर)
नाणेकरवाडी येथील सॅनी कंपनी ते राष्ट्रीय महामार्ग ६० येथील समृद्धी सीएनजी पंपाला जोडणारा रस्ता (लांबी एक किलोमिटर २०० मीटर, रुंदी - १५ मीटर)
मेदनकरवाडी येथील राष्ट्रीय महामार्ग ६० येथील बंगला वस्ती चौक ते राष्ट्रीय महामार्ग ५५ रासे फाट्यापर्यंतचा रस्ता (लांबी दोन किलोमिटर ५०० मीटर, रुंदी ३६ मीटर)
वेस्टर्न बायपासः पुणे नाशिक महामार्ग ते चाकण एमआयडीसी टप्पा पाच; तसेच तळेगाव एमआयडीसी ते जुन्या मुंबई-पुणे महामार्गाला जोडणारा प्रमुख मार्ग (लांबी - ८५० मीटर, रुंदी - ६० मीटर)

'मिसिंग लिंक'चे फायदे..
चाकण-तळेगाव चौकातील मुख्य कोंडी मोठ्या प्रमाणात कमी होणार
तळेगाव-शिक्रापूर वाहतुकीला थेट पर्यायी मार्ग उपलब्ध; चौकात येण्याची गरज नाही
चाकण एमआयडीसीमधील वाहनांना बाहेर पडण्यासाठी स्वतंत्र मार्ग
औद्योगिक वाहतूक आणि स्थानिक वाहतूक वेगळी होणार
इंधनाची बचत आणि वाहनांचा खर्च कमी होणार
अपघातांचे प्रमाण घटण्यास मदत