Pune Accident : हडपसरमध्ये 20 वर्षांच्या आदित्यचा दुर्दैवी मृत्यू, बसने पेट्रोल भरतानाच उडवले

Pune : पुण्यात हडपसर महादेवनगर-मांजरी रस्त्यावर झालेल्या भीषण अपघातात दुचाकीस्वार आदित्यचा जागेवरच मृत्यू झाला आहे. येथील सिरम कंपनीच्या समोर टेम्पो ट्रॅव्हल बसने दुचाकीला जोरात धडक दिली होती. या धडकेत दुचाकीवर असणाऱ्या २० वर्षाच्या आदित्याचा मृत्यू झाला आहे. अपघातानंतर वाहतूक पोलिसांनी घटनास्थळी धाव घेतली. पोलिसांकडून खासगी बस चालकाच्या विरोधात गुन्हा दाखल कऱण्यात आला आहे.

आदित्य बाळासाहेब शेळके (वय २०, रा. केडगाव, ता. दौंड, जि. पुणे) असे अपघातात ठार झालेल्या दुचाकीस्वाराचे नाव आहे. तर त्याचा मित्र मनोहर आण्णा रणसिंग (रा. निमगाव म्हाळुंगी, ता. शिरूर) हा जखमी झाला आहे. जखमी मनोहर याच्यावर खासगी रुग्णालयात उपचार सुरू आहेत.

Atal Setu Toll Free : अटल सेतूवर वाहनांना वर्षभर टोलमाफी; महापालिका निवडणुकीनंतर सरकारचा मोठा निर्णय

आदित्य व मनोहर हे दोघे सकाळी हडपसरकडून मांजरी रस्त्याने व्हर्टिव्ह एनर्जी प्रायव्हेट लिमिटेड कंपनीत वाघोलीकडे निघाले होते. त्यावेळी सिरम कंपनी समोरील पेट्रोल पंपावर पेट्रोल भरून ते मांजरीकडे निघाले असता मांजरीकडून येणाऱ्या टेम्पो ट्रॅव्हलर बसची त्यांच्या दुचाकीला जोरदार धडक बसली.

या धडकेमध्ये आदित्य शेळके हा जागेवरच ठार झाला. तर,मनोहर रणसिंग जखमी झाला. त्याच्यावर खाजगी रुग्णालयात उपचार सुरू आहेत. बस चालक माऊली अंभोरे,वय २३ याला पोलिसांनी ताब्यात घेतले आहे.. मांजरी पोलिसांनी गुन्हा दाखल केला असून चौकशी करण्यात येत आहे. २० वर्षाच्या आदित्यचा मृत्यू झाल्याने परिसरात हळहळ व्यक्त करण्यात येत आहे. मनोहर याची प्रकृती सध्या स्थिर आहे.