Pune Election : पुणे महापालिका निवडणुकीत नातेवाइकांच्या जोड्यांचा सामना; पती-पत्नी, आई-मुलगा ते बाप-लेक एकमेकांसमोर, जाणून घ्या

Pune : पती-पत्नी, नणंद-भावजय, आई-मुलगा, वडील-मुलगा, भाऊ-भाऊ, मामा-भाचे तसेच सासरा-जावई अशा १२ हून अधिक जोड्या विविध पक्षांची उमेदवारी घेऊन निवडणुकीच्या रिंगणात उतरले आहेत. काही ठिकाणी एकाच प्रभागात तर काही ठिकाणी वेगवेगळ्या प्रभागातून या जोड्या महापालिकेत पोहोचण्यासाठी संघर्ष करीत आहेत.

महापालिकेच्या सन २०१७च्या निवडणुकीत नातेगोत्यातील उमेदवारांच्या जोड्या तुलनेने कमी होत्या. गेल्या तीन वर्षांत राज्यातील राजकीय वातावरण ढवळून निघाले. राष्ट्रवादी काँग्रेस आणि शिवसेना फुटून त्यांचे चार पक्ष झाले. महापालिका निवडणुकीत राजकीय पक्षांची संख्या वाढली, तर चांगल्या उमेदवारांची वानवा सगळ्यांनाच जाणवली. त्यामुळे एकाच घरात दोन-दोन उमेदवारी देण्याचे प्रकार सर्वच राजकीय पक्षांकडून झाल्याचे चित्र दिसते आहे. भारतीय जनता पक्षाने वडगाव शेरी विधानसभा मतदारसंघातून दोन दाम्पत्यांना निवडणुकीच्या रिंगणात उतरवले आहे.

विमाननगर-लोहगाव प्रभागातून सुरेंद्र पठारे आणि त्यांची पत्नी ऐश्वर्या, येरवडा-गांधीनगर आणि पुणे स्थानक जय जवाननगर या प्रभागांतून अनुक्रमे संजय भासले आणि अश्विनी भोसले हे दाम्पत्य निवडणूक लढवत आहे. त्याच वेळी कासेवाडी-डायसप्लॉट या प्रभागातून अविनाश बागवे, इंदिरा बागवे हे दाम्पत्य कॉंग्रेसकडून रिंगणात आहे. केवळ दोघेच उमेदवार सनसिटी माणिकबाग या प्रभागात सर्वसाधारण गटातून भाजपचे सचिन मोरे आणि काँग्रेसचे घनंजय पाटील हे दोघेच उमेदवार आहेत. याच प्रभागातील इतर दोन जागा बिनविरोध झाल्या असून, तेथे भाजपचे उमेदवार निवडून आले आहेत. सर्वांत कमी उमेदवार असलेली ही एकमेव लढाई आहे.

Pune : पुणेकरांसाठी मोठी बातमी! दौंड–काष्टी मार्गावर १० दिवसांचा ब्लॉक; १७ रेल्वेगाड्या रद्द, सविस्तर वेळापत्रक जाहीर

चुलता-पुतण्या आमने-सामने
कोरेगाव पार्क-घोरपडी मुंढवा या प्रभागातून सुनील ऊर्फ बंडू गायकवाड हे राष्ट्रवादी काँग्रेस; तसेच उमेश गायकवाड हे भाजपकडून निवडणूक लढवत आहेत. गेल्या निवडणुकीत हे चुलते-पुतणे वेगवेगळ्या प्रभागांतून आपापल्या पक्षांतून निवडून आले होते. यंदा मात्र त्यांना एकमेकांसमोर लढावे लगत आहे, तर याच प्रभागातून हिमाली कांबळे (भाजप) आणि सुमन गायकवाड (राष्ट्रवादी काँग्रेस) ही नातेवाइकांची जोडी निवडणूक लढवत आहे.

पती-पत्नी
प्रभाग क्रमांक ३- ऐश्वर्या पाटील-पठारे भाजप
प्रभाग क्रमांक ४- सुरेंद्र पठारे, भाजप
प्रभाग क्रमांक ६- संजय भोसले, भाजप
प्रभाग क्रमाक १३- अश्विनी भोसले, भाजप
प्रभाग क्रमांक २२- अविनाश बागवे, इंदिरा बागवे, काँग्रेस

आई-मुलगा
प्रभाग क्रमांक १८ - रत्नप्रभा जगताप, प्रशांत जगताप, काँग्रेस
प्रभाग ३४- राधिका गिरमे, नीलेश गिरमे शिवसेना
प्रभाग क्रमांक २३- प्रतिभा धंगेकर, शिवसेना
प्रभाग क्रमांक २४- प्रणव धंगेकर, शिवसेना

भाऊ-भाऊ
प्रभाग क्रमांक ११- हर्षवर्धन मानकर, राष्ट्रवादी काँग्रेस
प्रभाग क्रमांक २५- राघवेंद्र मानकर, भाजप

बाप-लेक
प्रभाग क्रमांक ३७- प्रतीक कदम, राष्ट्रवादी काँग्रेस
प्रभाग क्रमांक ३८- प्रकाश कदम, राष्ट्रवादी काँग्रेस
प्रभाग क्रमांक ३८- वसंत मोरे, शिवसेना उबाठा
प्रभाग क्रमांक ४०- रूपेश मोरे, शिवसेना उबाठा

नणंद-भावजय
प्रभाग क्रमांक २७- अक्षदा गदादे, राष्ट्रवादी काँग्रेस (शप)
प्रभाग क्रमांक २८- प्रिया गदादे, राष्ट्रवादी काँग्रेस

मामा-भाचे
प्रभाग क्रमांक २२- रफिक शेख, दिलशाद शेख, (काँग्रेस)

सासरा-जावई
प्रभाग ३४- बापूसाहेब पोकळे-राष्ट्रवादी काँग्रेस, राजू लायगुडे, भाजप