टीएमसीमध्ये मोठा भूकंप! २२ खासदार बंडाच्या तयारीत, ममता बॅनर्जींच्या पक्षावर अस्तित्वाचे संकट.

पश्चिम बंगालच्या राजकारणात सध्या मोठी खळबळ उडाली आहे. ५८ आमदारांच्या बंडानंतर आता तृणमूल काँग्रेसच्या (TMC) संसदीय पक्षात मोठी विभागणी होण्याची शक्यता निर्माण झाली आहे. मिळालेल्या माहितीनुसार, पक्षातील किमान २२ खासदार बंड करून स्वतःला 'खरी टीएमसी' घोषित करण्याच्या तयारीत आहेत. विशेष म्हणजे यातील १६ खासदारांचे फोनही सध्या बंद येत आहेत, ज्यामुळे राजकीय वर्तुळात अनेक तर्कवितर्क लावले जात आहेत.

पक्षातील या बंडाळीमुळे ममता बॅनर्जी आणि अभिषेक बॅनर्जी यांच्यासमोर मोठे आव्हान उभे राहिले आहे. आगामी आठवड्यात 'इंडिया' आघाडीच्या बैठकीसाठी ममता बॅनर्जी दिल्लीत येणार आहेत, अशा वेळी पक्षातील हे अंतर्गत संकट त्यांच्यासाठी चिंतेची बाब ठरत आहे. पश्चिम बंगालमध्ये आधीच आमदारांच्या बंडामुळे ममता सरकार अडचणीत असताना, आता दिल्लीत खासदारांच्या बंडामुळे पक्षाचे अस्तित्वच धोक्यात आल्याची चर्चा सुरू आहे. बंगालमध्ये सध्या 'महाराष्ट्र पॅटर्न'ची पुनरावृत्ती होत असल्याचे राजकीय विश्लेषकांचे म्हणणे आहे.

पश्चिम बंगाल विधानसभा निवडणुकीत भाजपचा विजय (२०८ जागा) आणि टीएमसीचा पराभव (८० जागा) झाल्यानंतर पक्षात अस्वस्थता पसरली आहे.

बंडखोर आमदार रिताब्रता बॅनर्जी यांच्या नेतृत्वाखाली ५८ आमदारांनी विधानसभा अध्यक्षांकडे स्वतःला वेगळा गट म्हणून मान्यता देण्याची मागणी केली आहे. या ५८ आमदारांच्या पाठिंब्याच्या जोरावर रिताब्रता बॅनर्जी यांची विधानसभेतील विरोधी पक्षनेते (LoP) म्हणून नियुक्ती करण्यात आली आहे. राजकीय वर्तुळात या घडामोडींची तुलना महाराष्ट्रातील राजकीय फुटीशी केली जात आहे.

खासदारांच्या पातळीवरील फूट:

विधानसभेपाठोपाठ आता टीएमसीच्या संसदीय पक्षातही फूट पडण्याची शक्यता निर्माण झाली आहे. रिपोर्टनुसार, पक्षाचे १८ ते २२ खासदार बंड करून स्वतःला 'खरी टीएमसी' घोषित करण्याच्या प्रयत्नात आहेत.

हे बंडखोर खासदार ८ जून रोजी लोकसभेच्या अध्यक्षांची भेट घेऊन, काकोली घोष दस्तीदार यांची लोकसभेतील पक्षाच्या नेतेपदी नियुक्ती करण्याची मागणी करू शकतात.

 

सविस्तर वाचा, लिंक कमेंट मध्ये  https://punenews24.in/