Navapur News : नवापूरमध्ये सराफ गल्लीतील घराला आग; दोघांना वाचविण्यात यश

Navapur News : नवापूर शहरातील सराफ गल्लीतील एका घराला अचानक आग लागल्याची घटना आज सकाळी घडली. आग लागली यावेळी परिवारातील काही सदस्य घरात होते. मात्र स्थानिक नागरिक लागलीच मदतीसाठी पोहचल्याने आगीतून दोन जणांना सुखरूप बाहेर काढण्यात यश मिळाले आहे. 

नंदुरबार जिल्ह्यातील नवापूर शहरातील सराफ गल्लीत कापड व्यापारी हरेशकुमार खेमचंद गोपालनी यांच्या घराला आग लागली. आग लागलेल्या घराच्या दुसऱ्या मजल्यावर रेडिमेड कपड्यांचे गठ्ठे असल्याने आगीने लागलीच रौद्र रूप धारण केले. यामुळे परिसरात धावपळ उडाली होती. घराच्या खिडक्यांमधून धुराचे लोट निघाल्यानंतर परिसरातील नागरिकांनी मदतीसाठी धाव घेतली. यानंतर आग विझविण्याचा प्रयत्न करण्यात आला. मात्र दुसऱ्या मजल्यावर आग लागली असल्याने आटोक्यात आली नाही. दरम्यान अग्निशमन दलाला आगीबाबत माहिती देण्यात आली. 

Maratha Aarakshan : मराठा समाजाला १० टक्के आरक्षण मिळणार; कायदा मंजूर होण्याआधीच सरकारचा मोठा निर्णय

आगीतून दोन जणांना काढले बाहेर
घराला आग लागल्यानंतर परिसरातील नागरिकांनी धगधगत्या आगीतून दोन जणांचे प्राण वाचविण्यात यश मिळाले. तसेच घरातून दोन गॅस सिलेंडर रहिवाशीनी खाली उतरविल्याने मोठा अनर्थ टळला. दरम्यान नागरिकांनी मिळेल त्या साधनांनी आग विझवण्याचा प्रयत्न केला. काही वेळानंतर अग्निशामक बंब दाखल झाले असून आग नियंत्रणात आणण्याचा प्रयत्न सुरु आहे. मात्र आग कशामुळे लागली हे अद्याप समजू शकलेले नाही. मात्र या आगीत रेडीमेड कपडे जळून खाक मोठे नुकसान झाले असून स्थानिकांनी उर्वरित कपड्याचे गट्टे बाहेर काढले.