लग्नानंतर नवरा बळजबरी करत असेल तर…, लोकप्रिय अभिनेत्रीचा 20 सेकेंदाचा व्हिडीओ थक्क करणारा

आई – वडील आपल्या मुलीला लाडात आणि प्रेमात वाढवतात, पण लग्नानंतर त्यांच्या मुलीच्या आयुष्यात काय लिहिलेलं आहे, हे फक्त आणि फक्त मुलीच्या नशिबावर असतं. लग्नाआधी मुली देखील सुखी संसाराचे स्वप्न पाहात असतात. पण लग्नानंतर काय होईल ते मुलीला देखील माहिती नसतं. अशाच सत्य परिस्थिती भोवती फिरणाऱ्या सीरिजचा टीझर प्रदर्शित झाला आहे. सीरिजचं नाव ‘चिरैया’ असून त्यामध्ये मुख्य भूमिका अभिनेत्री दिव्या दत्ता हिने साकारलेली आहे… भारतीय घरात होणाऱ्या अन्यायावर सीरिजमध्ये अनेक प्रश्नचिन्ह उपस्थित करत आहे. सीरिजचा टीझर फक्त 20 सेकेंदाचा आहे… पण खूप काही सांगून जात आहे.

एक नवीन नवरी… पूजा… चांगल्या आयुष्याचे स्वप्न पाहत असते. पण अचानक तिच्या आयुष्यात असं एक वळण येतं, जेव्हा तिच्या समोर एक भयानक परिस्थिती उभी राहते… त्यानंतर नवरी गच्चीत निराश आणि मोठ्या धक्क्यात दिसते… तिच्या डोळ्यात पाणी आणि शरीरावर जखमा दिसतात… जे पाहिल्यानंतर अभिनेत्रीला देखील मोठा धक्का बसतो…

काय आहे ‘चिरैया’ सिनेमाची कथा

सीरिजच्या कथेबद्दल सांगायचं झालं तर, लग्नाच्या सोहळ्या मागचं वास्तव सीरिजमध्ये दाखवण्यात आलं आहे. सीरिज आसा प्रश्न उपस्थित करते की, लग्नानंतर पतीने आपल्या पत्नीवर कोणत्याही प्रकारचा दबाव आणणे योग्य आहे का? प्रत्येक परिस्थितीत शांत राहण्याचा अर्थ म्हणजे होकार असतो… असं नसतं… यावर खुद्द अभिनेत्रीने देखील स्वतःचं मत व्यक्त केलं आहे.

[embedded content]

अभिनेत्री म्हणाली, ‘आम्ही कायम नातं टिकवण्यासाठी शांत राहतो… लग्नाला निर्विवाद संमती म्हणून स्वीकारलं जातं आणि त्यागाचं रोमँटिकीकरण केलं जातं जेणेकरून वेदना नाहीशा होतात.’ ही कथी आपल्याला विचार करायला भाग पाडते की आपण चुकीचं पाहिल्यानंतर गप्प राहावं की, जे योग्य आहे त्यासाठी आवाज उठवावा.

कोणत्या ओटीटी प्लॅटफॉर्मवर प्रदर्शित होणार ‘चिरैया’

दिग्दर्शत शशांत शाह दिग्दर्शित ‘चिरैया’ सीरिजमध्ये दिव्या दत्ता हिच्यासोबत संजय मिश्रा, सिद्धार्थ शॉ, प्रसन्ना बिष्ट, फैसल राशिद, टीनू आनंद, सरिता जोशी यांसारखे सेलिब्रिटी आहेत. सीरिज लवकरत जियो हॉटस्टारवर प्रदर्शित होणार आहे.