Mumbai Pune Missing Link : लोणावळा तलावाखालून जाणारा जगातील सर्वात रुंद बोगदा; मुंबई पुण्याला जोडणारा ड्रीम प्रोजेक्ट कधी सुरु होणार?

Mumbai : मुंबई पुण्याला जोडणारा मिसिंग लिंक हा लवकरच सुरु होणार आहे. हा महाराष्ट्रासाठी अत्यंत महत्त्वाकांक्षी प्रोजेक्ट आहे. या प्रोजेक्टचे काम अंतिम टप्प्यात सुरु आहे. या प्रकल्पाअंतर्गत आता लोणावळ्याला तलावाच्या तळाखालून बोगडा उभारण्यात आला आहे. हा जगातील सर्वात रुंद बोगदा असणार आहे. याचे कामदेखील पूर्ण झाले आहे. लवकरच आता मिसिंग लिंकचे काम पूर्ण होईल.

नवीन वर्षात सुरु होणार मिसिंग लिंक

या प्रोजेक्टअंतर्गत मार्गावर प्रकाश यंत्रणा आणि इतर तांत्रिक काम पूर्ण केले जाणार आहे. हे काम पूर्ण झाल्यानंतर विविध विभागांच्या चाचण्या घेण्यात येतील. त्यानंतर वर्षाअखेर सर्व परवानग्या घेऊन प्रक्रिया पूर्ण करणार आहे. नवीन वर्षात मिसिंग लिंक खुला करण्यात येणार आहे.

३० मिनिटांचा वेळ वाचणार

मिसिंग लिंकमुळे मुंबई-पुणे हे अंतर आणखी कमी होणार आहे. यामुळे तुमचा अर्धा तास (३० मिनिटे) वेळ वाचणार आहे. यामुळे मुंबई पुणे एक्सप्रेस वेवरील वाहतूक अधिक जलद आणि सुलभ होणार आहे.

मिसिंग लिंक कसा असणार आहे?

मिसिंग लिंक हा १३.२ किलोमीटर लांबीचा असणार आहे. या मार्गावर आठ मार्गिका असणार आहे. हा एक जोडरस्ता आहे. या प्रकल्पातील काही भाग हा भूयारी मार्ग असणार आहे. लोणावळा तलावाच्या खाली बोगदा बांधला आहे. या मिसिंग लिंकवर दोन भूयारी मार्ग असणार आहे. पहिला मार्ग ९ किलोमीटर आणि दुसरा मार्ग २ किलोमीटर लांब असणार आहे. हा मार्ग १३२ फूट उंच असणार आहे.